الشكل الأنسب لضوافر العروسة.. من جريس كيلي لكارداشيانز

Large

الضوافر مهمة جدا مع إن فيه كتير بيتجاهلوها، وضوافر العروسة تحديدا مهمة جدا، شكلها، لونها وطولها كلها حاجات لازم تاخد بالها منهم قبل الفرح. عايزه طولهم قد إيه!.. لونهم؟، هيليقوا مع الفستان ويكون شكلهم حلو ولا لأ؟ كل الاسئلة دى حاولى تجاوبي عليها وانتى بتجهزى لفرحك. احنا جمعنالك أجمل أشكال الضوافر تليق على أي إيد وهنعرفك كمان إزاى تختارى اى شكل منهم.

الضوافر المدورة

دى أفضل اختيار لو عايزه ضوافرك تكون قصيرة، شكلها بيكون حلو مع البنات الى صوابعهم طويلة، لكن عامة هى مناسبة لكل أشكال وأطوال الصوابع لإنها بتمشي مع شكل الصوابع الطبيعى، وأحلى حاجة في الضوافر المدورة إن كل الألوان بتمشي معاها، وينفع تعمليها فى أي وقت من السنة. ومع إن كتير بيحسوا إن الشكل ده طفولي، بس هى عملية جدا مع أي واحدة معندهاش وقت يهتم بضوافره.

الضوافر البيضاوية

هى الشكل الى بيليق على كل البنات لإنها بتدي شكل أنثوي، ولو لبستي الخاتم كمان هتخلى شكل إيدك أحلى وملفت. الضوافر البيضاوية شكلها أحلى من الضوافر المدورة لإنها أطول شوية صغيرة، وكمان بتدي روح الأنوثة والأناقة لصوابعك أكتر. أما أكتر لون بيليق عليها هو الأحمر لو عايزه ستايل مارلين مونرو ، أما لو عاوزة ستايل جريس أميرة موناكو بيقى تروحي للألوان النيود زى البيج. بشكل عام الضوافر البيضاوية بتدي ثقة وأناقة وبتليق على كل الصوابع.

إقرا أكتر: إيه اللي تعمليه وإيه اللي ما تعملهوش في مانيكير الفرح

الضوافر المربعة

ده اختيار هايل لأى بنت عايزة شكل مودرن لصوابعها، والحل الأمثل للصوابع الصغيرة، والشكل المربع بدأ كتريند فى التسعينيات، وبتمشي جدا مع الألوان الغامقه والجريئة. زى الأحمر الغامق أو الأزرق الغامق أو حتى الأسود لو عايزه لون أجرأ. والشكل ده كمان هيناسب صوابع ايدك لو عريضه عشان هتخليها تبان مستطيلة أكتر  ومتناسقه مع بعضها.

الضوافر المدببه 

هو الترند المودرن أكتر وهتخليكى زى الفاشونيستا وتلفتي كل الأنظار، والشكل المدبب الطويل مناسب لأي إيد، خاصة إنها بتدي طول ومساحة لضوافر العروسة للرسم عليها بأي شكل تحبيه، وبيدي كمان مساحة إنك تحطي عليها ألماظة أو تلعبي بالألوان. ده الشكل المناسب أكتر لأي بنت بتحب التغيير والتريندات الجديدة. الترند ده ظهر مع Kardashians و Cardi B، وده الشكل اللي اشتهروا بي لضوافرهم.

الضوافر مهمة جدا مع إن فيه كتير بيتجاهلوها، وضوافر العروسة تحديدا مهمة جدا، شكلها، لونها وطولها كلها حاجات لازم تاخد بالها منهم قبل الفرح. عايزه طولهم قد إيه!.. لونهم؟، هيليقوا مع الفستان ويكون شكلهم حلو ولا لأ؟ كل الاسئلة دى حاولى تجاوبي عليها وانتى بتجهزى لفرحك. احنا جمعنالك أجمل أشكال الضوافر تليق على أي إيد وهنعرفك كمان إزاى تختارى اى شكل منهم.

الضوافر المدورة

دى أفضل اختيار لو عايزه ضوافرك تكون قصيرة، شكلها بيكون حلو مع البنات الى صوابعهم طويلة، لكن عامة هى مناسبة لكل أشكال وأطوال الصوابع لإنها بتمشي مع شكل الصوابع الطبيعى، وأحلى حاجة في الضوافر المدورة إن كل الألوان بتمشي معاها، وينفع تعمليها فى أي وقت من السنة. ومع إن كتير بيحسوا إن الشكل ده طفولي، بس هى عملية جدا مع أي واحدة معندهاش وقت يهتم بضوافره.

الضوافر البيضاوية