الروتين اليومي لعناية العروسة قبل الفرح بشهر واحد
June 12, 2019
وقت القراءة:
4د
الروتين اليومي لعناية العروسة قبل الفرح بشهر واحد
فاضل شهر واحد على الفرح، لكن في بعض اللمسات الخاصة بيكي إنتي بشكل شخصي لازم تكون موجودة في بالك، ولازم تحطيها في الجدول الزمني للعناية الجمالية الخاصة بيكي كعروسة، وكمان تقدري تعمليها بنفسك في البيت، علشان ما ترتبطيش بمواعيد محددة في صالونات التجميل.
1- الشعر:
في حال قررتي تغيير لون شعرك، لازم يكون قبل الفرح بأسبوعين على الأقل، وتجنبي التغيير الشامل في لون الشعر، وخلال فترة قبل الفرح بشهر تجنبي أي تغيرات جذرية في الشعر، مثلا زي قصة جديدة تماما عليكي، اعتني بأطرافه بشكل جيد جدا، واهتمي بتغذية شعرك للوصول لمرحلة الحيوية واللمعان.
2- النوم:
النوم مش للراحة وبس، النوم بيأثر بشكل كبير على جمال المرأة، مفيش هالات سوداء، مفيش انتفاخات في العين. ركزي خلال الشهر الأخير قبل فرحك على النوم لمدة 8 ساعات، حتى لو كان فيه صعوبة في النوم بدري، استرخي ساعة قبل المعاد المحدد للنوم في السرير، وخلي الفترة دي النوم بدري لمدة 8 ساعات من أولوياتك، وبلاش تناول أي أنواع من المنبهات زي الشاي والقهوة والشاي الاخضر والنعناع في وقت متأخر من الليل علشان تعرفي تنامي كويس.
3- حمام الشمس:
أفضل طريقة دايما هي الطرق الطبيعية. البنات اللي بتحب اللون البرونزي هيكون حمام الشمس بالنسبة لهم حاجة مهمة جدا، لكن حمام الشمس مش بس لاكتساب اللون، لكنه كمان مفيد جدا بسبب فيتامين D اللي بياخده الجسم والعظام من الشمس، وأفضل طريقة للحصول على فيتامين D إلى جانب الأطعة اللي بتحتوي عليه هو التعرض لحمام الشمس، وما تنسيش تحطي واقي من الشمس علشان تحمي بشرتك من الأشعة فوق البنفسجية الضارة.
4- تبييض وتنظيف الأسنان:
الصور بتدوم مدى الحياة، علشان كدة لازم تظهري في أجمل إطلالة يوم فرحك ومن غير ولا غلطة، ومن أهم الأمور اللي بتغفل عنها أي عروسة تبييض الأسنان، لازم تخضعي لجلسات إزالة الجير وتبييض الأسنان، تبييض وتظيف الأسنان أصبح من الضروريات أو الأساسيات قبل الفرح.
5- الشكل والوزن المثالي:
إذا كنتي بالفعل بدأتي رحلتك الرياضية من كذا شهر، وخلاص قربتي توصلي للشكل اللي انتي عاوزاه، قبل الفرح بشهر لازم تكثفي أيام التمرينات، فإذا كنتي بتتمرني 3 أيام في الأسبوع، خليهم 5 أيام في الشهر اللي قبل الفرح، لكن بلاش تمرينات قاسية في الفترة دي، خليكي على الهادي علشان ما تظهريش تعبانة وشاحبة في الفرح.
فاضل شهر واحد على الفرح، لكن في بعض اللمسات الخاصة بيكي إنتي بشكل شخصي لازم تكون موجودة في بالك، ولازم تحطيها في الجدول الزمني للعناية الجمالية الخاصة بيكي كعروسة، وكمان تقدري تعمليها بنفسك في البيت، علشان ما ترتبطيش بمواعيد محددة في صالونات التجميل.
1- الشعر:
في حال قررتي تغيير لون شعرك، لازم يكون قبل الفرح بأسبوعين على الأقل، وتجنبي التغيير الشامل في لون الشعر، وخلال فترة قبل الفرح بشهر تجنبي أي تغيرات جذرية في الشعر، مثلا زي قصة جديدة تماما عليكي، اعتني بأطرافه بشكل جيد جدا، واهتمي بتغذية شعرك للوصول لمرحلة الحيوية واللمعان.
2- النوم:
النوم مش للراحة وبس، النوم بيأثر بشكل كبير على جمال المرأة، مفيش هالات سوداء، مفيش انتفاخات في العين. ركزي خلال الشهر الأخير قبل فرحك على النوم لمدة 8 ساعات، حتى لو كان فيه صعوبة في النوم بدري، استرخي ساعة قبل المعاد المحدد للنوم في السرير، وخلي الفترة دي النوم بدري لمدة 8 ساعات من أولوياتك، وبلاش تناول أي أنواع من المنبهات زي الشاي والقهوة والشاي الاخضر والنعناع في وقت متأخر من الليل علشان تعرفي تنامي كويس.
3- حمام الشمس:
أفضل طريقة دايما هي الطرق الطبيعية. البنات اللي بتحب اللون البرونزي هيكون حمام الشمس بالنسبة لهم حاجة مهمة جدا، لكن حمام الشمس مش بس لاكتساب اللون، لكنه كمان مفيد جدا بسبب فيتامين D اللي بياخده الجسم والعظام من الشمس، وأفضل طريقة للحصول على فيتامين D إلى جانب الأطعة اللي بتحتوي عليه هو التعرض لحمام الشمس، وما تنسيش تحطي واقي من الشمس علشان تحمي بشرتك من الأشعة فوق البنفسجية الضارة.
4- تبييض وتنظيف الأسنان:
الصور بتدوم مدى الحياة، علشان كدة لازم تظهري في أجمل إطلالة يوم فرحك ومن غير ولا غلطة، ومن أهم الأمور اللي بتغفل عنها أي عروسة تبييض الأسنان، لازم تخضعي لجلسات إزالة الجير وتبييض الأسنان، تبييض وتظيف الأسنان أصبح من الضروريات أو الأساسيات قبل الفرح.
5- الشكل والوزن المثالي:
إذا كنتي بالفعل بدأتي رحلتك الرياضية من كذا شهر، وخلاص قربتي توصلي للشكل اللي انتي عاوزاه، قبل الفرح بشهر لازم تكثفي أيام التمرينات، فإذا كنتي بتتمرني 3 أيام في الأسبوع، خليهم 5 أيام في الشهر اللي قبل الفرح، لكن بلاش تمرينات قاسية في الفترة دي، خليكي على الهادي علشان ما تظهريش تعبانة وشاحبة في الفرح.
