Suzan Magdy
June 9, 2019
وقت القراءة:
4د
الخطوبه خلصت.. وبعدين!؟
إزاي تحددوا أولوياتكم بعد الخطوبة، دخلنا في الجد خلاص
ألف مبروك الخطوبة! طبعا الفتره دي كلها مباركات، عزومات ومقابلات عائليه لإن الموضوع دخل في جد وبقي رسمي، ومعنى كدة بقى في مجموعة من المسؤوليات الجديدة، ما تقلقوش، إحنا المنبه اللي هيصحيكم قبل ما الوقت يفوتكم.
11 شهر هي الفترة الزمنية اللي بين الخطوبة والفرح، واللي هتكون فيها التحضريات على قدم وساق، بس قبل كل ده، لازم تكونوا عارفين أولوياتكم علشان ترتبوها صح، التخطيط والتنظيم هيديكم فرصة إنكم تتنفسوا وما تضغطوش قبل الفرح.
رتبوا اولوياتكم ١١ شهر قبل جوازكم او اول شهر بعد الخطوبة كالاتي:
１- الميزانية تتحدث:
أيوا أسخف حاجه في الموضوع "الميزانية"، لأن فجأه بتفرط مننا، وللأسف بتتوقف عليها حاجات كتير، حددوا من دلوقتي الميزانية اللي هتتحركوا خلالها، أول حاجة لازم تتحدد عدد المعازيم، مكان الفرح والمتخصصين اللي هتستعينوا بيهم، كل ده إلى جانب مصاريف شهر العسل ومراسم الجواز. يبقى دلوقتي هتعملوا ميزانية تقريبية لكل حاجة.
２- التاريخ هو المؤشر اللي تشتغلوا عليه:
في ارتباط قوي بين الميزانية وتاريخ الفرح، لأن اختلاف توقيت الفرح هيختلف في الميزانية، يعني لو الفرح في الصيف هيكون أعلى في التكلفة عن باقي السنة. حددوا الشهر واليوم المناسب،وحطوا في اعتباركم الأجازات الرسمية والمناسبات المهمة الموجودة في السنه للأهل والأصحاب، في طرقتين لاختيار التاريخ، يا تختاروا موسم من السنة زي الصيف مثلا، أو هتحددوا الوقت بناء على الظروف ووقت لتحضيرات الفرح.
３- حلم الفرح إلى أرض الواقع:
عايزين فرحكم عامل إزاي؟، بليل ولا الصبح، كبير ولا حفلة بسيطة، على جنينه ولا على البحر؟، ممكن تكوني بتحلمي بفرح على جزيرة، في حالة إنكم قررتوا يكون الفرح غير تقليدي، لازم تعرفوا إن الأماكن الغير تقليدية دي ليها ترتيبات تانية، ممكن تاخد وقت أطول، ولو فعلا عايزين تخططوا ليها، لازم ترجعوا لميزانيتكم وتعرفوا كمان هل ضيوفكم هتسمح ظروفهم وميزانيتهم بالسفر ولا.
الميزانيه، تاريخ الفرح وشكل الفرح، هم أهم أولويات أي إتنين مخطوبين قبل الفرح، إنشاءالله اليوم المنتظر هيكون زي ما تخيلتوا وأحسن كمان.
ألف مبروك الخطوبة! طبعا الفتره دي كلها مباركات، عزومات ومقابلات عائليه لإن الموضوع دخل في جد وبقي رسمي، ومعنى كدة بقى في مجموعة من المسؤوليات الجديدة، ما تقلقوش، إحنا المنبه اللي هيصحيكم قبل ما الوقت يفوتكم.
11 شهر هي الفترة الزمنية اللي بين الخطوبة والفرح، واللي هتكون فيها التحضريات على قدم وساق، بس قبل كل ده، لازم تكونوا عارفين أولوياتكم علشان ترتبوها صح، التخطيط والتنظيم هيديكم فرصة إنكم تتنفسوا وما تضغطوش قبل الفرح.
رتبوا اولوياتكم ١١ شهر قبل جوازكم او اول شهر بعد الخطوبة كالاتي:
１- الميزانية تتحدث:
أيوا أسخف حاجه في الموضوع "الميزانية"، لأن فجأه بتفرط مننا، وللأسف بتتوقف عليها حاجات كتير، حددوا من دلوقتي الميزانية اللي هتتحركوا خلالها، أول حاجة لازم تتحدد عدد المعازيم، مكان الفرح والمتخصصين اللي هتستعينوا بيهم، كل ده إلى جانب مصاريف شهر العسل ومراسم الجواز. يبقى دلوقتي هتعملوا ميزانية تقريبية لكل حاجة.
２- التاريخ هو المؤشر اللي تشتغلوا عليه:
في ارتباط قوي بين الميزانية وتاريخ الفرح، لأن اختلاف توقيت الفرح هيختلف في الميزانية، يعني لو الفرح في الصيف هيكون أعلى في التكلفة عن باقي السنة. حددوا الشهر واليوم المناسب،وحطوا في اعتبار الأجازات الرسمية والمناسبات المهمة الموجودة في السنه للأهل والأصحاب، في طرقتين لاختيار التاريخ، يا تختاروا موسم من السنة زي الصيف مثلا، أو هتحددوا الوقت بناء على الظروف ووقت لتحضيرات الفرح.
３- حلم الفرح إلى أرض الواقع:
عايزين فرحكم عامل إزاي؟، بليل ولا الصبح، كبير ولا حفلة بسيطة، على جنينه ولا على البحر؟، ممكن تكوني بتحلمي بفرح على جزيرة، في حالة إنكم قررتوا يكون الفرح غير تقليدي، لازم تعرفوا إن الأماكن الغير تقليدية دي ليها ترتيبات تانية، ممكن تاخد وقت أطول، ولو فعلا عايزين تخططوا ليها، لازم ترجعوا لميزانيتكم وتعرفوا كمان هل ضيوفكم هتسمح ظروفهم وميزانيتهم بالسفر ولا.
الميزانيه، تاريخ الفرح وشكل الفرح، هم أهم أولويات أي إتنين مخطوبين قبل الفرح، إنشاءالله اليوم المنتظر هيكون زي ما تخيلتوا وأحسن كمان.
