الحب فى زمن الكورونا نصايح تخلى الحب موجود فى "الكوارنتين"

Large

اتحبست فى البيت كتير بسبب الكورونا؟  يبقى أكيد تعبت أوى عشان تخلى علاقتك مع الشريك فى مش حالة كويسه، وأكيد كمان عديتو بمشاكل كتير فى الفترة دى خلتكو تبعدو عن بعض، عايز ترجع الحب تانى وتصلح كل الحاجات إلى باظت، خصوصا إن ممكن حظر التجول يرجع تانى بسبب إن ممكن يكون في موجة تاينة لانتشار فيروس الكورونا.

هنقولك على شوية حاجات تظبط بيها علاقتكو. أولها تكون فاهم كويس إن القعدة فى البيت كتير من غير شغل ولا مدارس خلت كل الناس متوترة أوى، وإن مش كل يوم هيبقى زى إلى قبله، عشان كده لازم تقبل الفكرة دى وتخلى روتين يومك يمشى عادى، وتشتغلوا على علاقتكو سوا، وزى ما المثل بيقول "القفه أم ودنين يشيلوها اتنين"!

إتعلم حاجه جديده:

لازم تعمل حاجه مفيدة فى الوقت الطويل إلى بتقعده فى البيت بسبب الكورونا، زى إنك تاخد "كورسات" أون لاين، وده هيديكم حاجه جديدة تتكلموا عنها لما تكونو فاضيين، وفى نفس الوقت هتتعلم حاجه تعمل بيها ""upgrade لشغلك، أو تخليك أشطر فيه، وممكن كمان تنمى هواية جديدة.

خد مساحه لنفسك

لو كنت حاسس إن "موودك" وحش، أو داخل فى نوبة اكتئاب بسبب حبستك فى البيت، متتخضش وادى نفسك المساحة الى محتاجها وخد "بريك"، عشان مفيش علاقة كويسه من غير عقل سليم، صارح الطرف التاني بإللى أنت حاسه واعمل الحاجه إلى هتخلى نفسيتك مرتاحه.

إقرا أكتر: إعرفيه قبل ما تتجوزيه! اكتشفي شخصية خطيبك بحق وحقيقي في الحجر المنزلي

إتكلموا فى كل حاجه

عندك وقت طويل وقاعد فى البيت مبتعملش حاجه، يبقى دى فرصه إنك تتكلم مع شريك حياتك فى كل حاجه تخص حياتك، أو ذكرياتك، أو طفولتك، أوالحاجات الوحشة إلى اتعرضلتها، أو الأحلام إلى نفسك تحققها.. وده هيخلى فى "لينك" حلو بينكم، خصوصا لو كنتم منفصلين  هتتعودا تسمعوا بعض كويس.

متتخانقش على حاجه تافهه

قعدتك فى البيت وقت طويل مع الطرف التاني هتخليكم تتخانقو كتير على أى حاجه، وهتتضايق من أى حاجه هو بيعملها حتى لو ما كانتش تستاهل، ده الوقت إلى لازم تبطل فيه تتلكك بالحاجات الصغيرة ، عشان خناقة ورا التانية هتلاقى الرومانسية راحت، كبر دماغك شويه وحاول تعيش مبسوط مع إلى بتحبه.

اتحبست فى البيت كتير بسبب الكورونا؟  يبقى أكيد تعبت أوى عشان تخلى علاقتك مع الشريك فى مش حالة كويسه، وأكيد كمان عديتو بمشاكل كتير فى الفترة دى خلتكو تبعدو عن بعض، عايز ترجع الحب تانى وتصلح كل الحاجات إلى باظت، خصوصا إن ممكن حظر التجول يرجع تانى بسبب إن ممكن يكون في موجة تاينة لانتشار فيروس الكورونا.

هنقولك على شوية حاجات تظبط بيها علاقتكو. أولها تكون فاهم كويس إن القعدة فى البيت كتير من غير شغل ولا مدارس خلت كل الناس متوترة أوى، وإن مش كل يوم هيبقى زى إلى قبله، عشان كده لازم تقبل الفكرة دى وتخلى روتين يومك يمشى عادى، وتشتغلوا على علاقتكو سوا، وزى ما المثل بيقول "القفه أم ودنين يشيلوها اتنين"!