التوليب ولا الأوركيد ولا الليلك وردتك المفضلة بتقول عنك إيه

وردتك هتقولك اللي ما تعرفهوش عن نفسك

Large

عارف إن الورد ممكن يعبر عن شخصيتك؟ ممكن تحس انها حاجه غريبه، بس الحقيقة ان كل وردة لو دققت فيها هتلاقى حاجات تشبهك، فى الملمس والألوان والأشكال وكمان طبيعة شجرة الورد نفسها، كل حاجه من دول فيهم علامة بتعرفنا طبيعة الشخص الى هيتشد للوردة دى. يعنى مثلا الورد الأحمر وزهرة عباد الشمس عكس بعض وكل واحده فيهم بتدى احساس ورسالة معينة. واحده منهم رومانسية، والتانيه بتعبر عن بالسعادة والحيوية، ودى المشاعر الى بيعبر عنها الورد الى بتختاره. عشان كده بننصحك تسأل الشخص الى بتحبه او أصحابك عن نوع الورد الى بيحبوه ويعبر عن شخصيتهم.

الورد الأحمر

الورود هي رمز للحب والرغبة والرقه. ومع ان كل لون فى الورد ليه معاني مختلفة ، بس لو بتحبه فده معناه انك رومانسي أوى! وكمان كلاسيكى، وبتحب الحاجات التقليدية. و أغلب الى بيحبوا الورد بيبقوا متحمسين أوى فى علاقتهم العاطفيه.

التوليب

على العكس بقي التوليب وردة رقيقة أكتر وحساسه. وبتعبر عن انك إيجابي ومتفائل بتحب تتبسط بكل حاجه فى الحياة حتى لو صغيرة . وانك كمان حنين واجتماعى والابتسامه مش بتفارق وشك.

إقرا أكتر: مش عارفة تختاري بوكيه الفرح في الشتا!.. يبقى الموضوع ده يهمك

عباد الشمس