الأبحاث العلمية بتقول إن فيه 5 أنواع للعلاقات الزوجية.. إعرفوا إنتوا أي نوع فيهم!

Large

فيه 5 أنواع للعلاقات الزوجية على حسب ملاحظات دكتور جون جوتمان، جون جوتمان دكتور مهم ومعروف عالميا بالأبحاث اللي عملها عن الإستقرار الزوجي وتوقعاته كمان عن إحتماليات الطلاق، غير كده هو شريك مؤسس لمعهد جوتمان، اللي نهجه بيقوم على الأبحاث في العلاقات، وبعد 40 سنة من الأبحاث اللي عملهم مع آلاف من المتجوزين قدر يصنف العلاقات الزوجية لـ 3 ناجحين نوعا ما، و 2 طبيعتهم معقدة شوية. 

قبل كده اتكلمنا عن الشكل الخارجي للعلاقات الزوجية في (5 أشكال للجواز.. عزمي وأشجان ولا أمينة وسي السيد)، الهدف من ربط الموضوع ده بكلامنا هو محاولة معرفة تأثير ديناميكيات العلاقة على الجوازه بشكل عام، وإزاي الشكل الخارجي للجواز بيأثر على ديناميكيات العلاقة من جوه في نفس الوقت، ودنك منين يا جحا مش كده؟!.

المقال ده طريقة بسيطة تقدروا من خلاله تقيموا علاقتكم، وده هيساعدكم تفهموا بعض أكتر، الأول اعرفوا أنتوا أي نوع الـ5 أنواع للعلاقات الزوجية لجون جوتمان. 

متجنبين الخناق:

متجنبين الخناق والمواجهة بيعتقدوا إن الهروب من المشاكل بيخلي العلاقة أسهل، بيحرصوا إن ردود أفعالهم لبعض تكون إيجابية علشان ما يبقاش فيه أي فرصة يحصل فيها أي سوء تفاهم، ممكن نقول برضه إنهم شايفين إن الإختلاف حاجة طبيعية جدا، لدرجة إن المشاكل بتفضل متعلقة ما بينهم بدون ما تتحل، بيركزوا على الحاجات اللي بتجمعهم، وبيتجنبوا تماما النقط اللي بيختلفوا عليها، للأسف مش بيقدروا يعبروا عن مشاعرهم الحقيقية وعن إحتياجاتهم من بعض.

من برا كل حاجة حلوة ومستقرة، الحقيقة هي إنهم بيفهموا وبيعرفوا يتعاملوا مع بعض بطريقتهم وعلشان كده نسبة الإيجاب للسلب بتكون 5:1 ، المشكلة بس إن الألفة والترابط بينهم ممكن يقل مع الوقت لإنهم بيتفادوا التعبير عن مشاعرهم، والنتيجة بتبقى كإنهم عايشين في عالمين موازين مش في نفس العالم، تراكم المشاكل من غير حلها بيقفل الشخص وبيخليه مش قادر يدي أي حاجة تانية للعلاقة. 

المتقلبين:

أو اللي بين بينين، العلاقة دي عبارة عن خليط ما بين الاستقرار والتقلبات، مناقشاتهم مولعة جدا لإن الإتنين طبيعتهم شغوفة، لكن في الآخر الأوقات اللي بيكون فيها شد بتغلب الأوقات الحلوة، المتقلبين عكس المتجنبين للخناق، صرحاء جدا في التعبير عن مشاعرهم وإحتياجاتهم من بعض،  مش بيخافوا يتكلموا عن أي حاجة، الميزة في علاقتهم مواجهة المشاكل والعقابات مش بيهربوا منها، بطريقة ما بيقدروا يقلبوا أي خناقة لضحك وعلشان كده نسبة الإيجاب للسلب 5:1.

 

المعتدليين: 

علاقتهم بتتميز بالسلاسة والهدوء، يعتبروا مزيج ما بين المتقلبيين ومتجنبين الخناق، معبرين وفي نفس الوقت محايدين في التعبير عن مشاعرهم، الجميل إنهم بيحترموا وبيدعموا آراء واختيارات بعض الشخصية، علاقتهم متأسسة على المشاركة والعشرة، بيتعاملوا ككيان واحد، بيشاركوا بعض لحظات حميمية وعاطفية واحدة، مش بيركزوا على إختلافتهم إلا في الشديد القوي، لأن ببساطة فاهميين إنه طبيعي يختلفوا على حاجات، الفخ الوحيد إن ممكن روح منافسة بسيطة تتولد مابينهم،  وده بيؤدي لصراع على السلطة، بس مدته بتبقى قصيرة، لإن في الآخر بيعرفوا يتقابلوا في النص، وده كمان بيخلي اختلافاتهم  شكلها منطقي وعقلاني، نسبة الإيجاب للسلب في العلاقة دي بتكون 5:1. 

العدائيين:

في أغلب الأوقات بنلاقي العدائيين بيقضوا تلات ارباع وقتهم يا بيطلعوا القطط الفاطسة في بعض، يا بيدافعوا عن نفسهم، والربع الأخير زن وغيظ، للأسف التفاهم، الدعم النفسي والمعنوي والتعاطف ما بينهم قليل جدا، خناقاتهم هي هي ما بتتغيرش من كتر ما كل واحد مصر على موقفه ورأيه، العلاقة بينقصها تواصل، تفاهم، شغف، تعاطف أو حميمية. 

واحد فيهم بيكون الشخص اللي بيفضل المواجهة دايما والتاني بيفضل الهروب، وده بيكهرب العلاقة جدا ومع الوقت الإحساس بالكره والغيظ بيغلب، للأسف العدائيين ما بيقدروش لا يخلقوا ولا يحافظوا على علاقة صحية مع بعض، وعلشان كده معظم أوقاتهم اللي بيعيشوها سوا مش سعيدة.

  

المتجوزين الأعداء:

الجوازة دي عاملة زي ساحة الحرب اللي ملهاش آخر!، طرف بيرفض النقاش وبيستسلم للهزيمة علشان ما يوجعش دماغه، والتاني مش عاتق مولع ومصر على الخناق. الخناق في حالتهم أسلوب حياة، وده طبعا بيخليهم مستنزفين ومرهقين عصبيا وعاطفيا، أساس علاقتهم الانتقاد، الإسلوب الدفاعي، الغيظ والعنف. 

الخناقات اللي ما بتخلصش دي بتنتهي بانفصال عاطفي تام لحد اليأس والتخلي عن العلاقة تماما، وعلشان كده المتجوزين الأعداء أكتر نوع عندهم نسبة طلاق عالية، الغريب إن العدائيين مش شرط علاقتهم تنتهي بطلاق، لإن بشكل ما بيعرفوا يتعاملوا مع خلافاتهم، عكس المتجوزين الأعداء ما بيعرفوش.

المقالة مستوحاه من:

مقالة " The 5 Types of Couples" للدكتور جون جوتمان. 

مقالة " Gottman Research Describes 5 Kinds of Couples" للكاتب دانيال داشناو على موقع Therapy Inc. website

فيه 5 أنواع للعلاقات الزوجية على حسب ملاحظات دكتور جون جوتمان، جون جوتمان دكتور مهم ومعروف عالميا بالأبحاث اللي عملها عن الإستقرار الزوجي وتوقعاته كمان عن إحتماليات الطلاق، غير كده هو شريك مؤسس لمعهد جوتمان، اللي نهجه بيقوم على الأبحاث في العلاقات، وبعد 40 سنة من الأبحاث اللي عملهم مع آلاف من المتجوزين قدر يصنف العلاقات الزوجية لـ 3 ناجحين نوعا ما، و 2 طبيعتهم معقدة شوية. 

قبل كده اتكلمنا عن الشكل الخارجي للعلاقات الزوجية في (5 أشكال للجواز.. عزمي وأشجان ولا أمينة وسي السيد)، الهدف من ربط الموضوع ده بكلامنا هو محاولة معرفة تأثير ديناميكيات العلاقة على الجوازه بشكل عام، وإزاي الشكل الخارجي للجواز بيأثر على ديناميكيات العلاقة من جوه في نفس الوقت، ودنك منين يا جحا مش كده؟!.

المقال ده طريقة بسيطة تقدروا من خلاله تقيموا علاقتكم، وده هيساعدكم تفهموا بعض أكتر، الأول اعرفوا أنتوا أي نوع الـ5 أنواع للعلاقات الزوجية لجون جوتمان. 

متجنبين الخناق:

متجنبين الخناق والمواجهة بيعتقدوا إن الهروب من المشاكل بيخلي العلاقة أسهل، بيحرصوا إن ردود أفعالهم لبعض تكون إيجابية علشان ما يبقاش فيه أي فرصة يحصل فيها أي سوء تفاهم، ممكن نقول برضه إنهم شايفين إن الإختلاف حاجة طبيعية جدا، لدرجة إن المشاكل بتفضل متعلقة ما بينهم بدون ما تتحل، بيركزوا على الحاجات اللي بتجمعهم، وبيتجنبوا تماما النقط اللي بيختلفوا عليها، للأسف مش بيقدروا يعبروا عن مشاعرهم الحقيقية وعن إحتياجاتهم من بعض.

من برا كل حاجة حلوة ومستقرة، الحقيقة هي إنهم بيفهموا وبيعرفوا يتعاملوا مع بعض بطريقتهم وعلشان كده نسبة الإيجاب للسلب بتكون 5:1 ، المشكلة بس إن الألفة والترابط بينهم ممكن يقل مع الوقت لإنهم بيتفادوا التعبير عن مشاعرهم، والنتيجة بتبقى كإنهم عايشين في عالمين موازين مش في نفس العالم، تراكم المشاكل من غير حلها بيقفل الشخص وبيخليه مش قادر يدي أي حاجة تانية للعلاقة. 

المتقلبين:

أو اللي بين بينين، العلاقة دي عبارة عن خليط ما بين الاستقرار والتقلبات، مناقشاتهم مولعة جدا لإن الإتنين طبيعتهم شغوفة، لكن في الآخر الأوقات اللي بيكون فيها شد بتغلب الأوقات الحلوة، المتقلبين عكس المتجنبين للخناق، صرحاء جدا في التعبير عن مشاعرهم وإحتياجاتهم من بعض،  مش بيخافوا يتكلموا عن أي حاجة، الميزة في علاقتهم مواجهة المشاكل والعقابات مش بيهربوا منها، بطريقة ما بيقدروا يقلبوا أي خناقة لضحك وعلشان كده نسبة الإيجاب للسلب 5:1.

 

المعتدليين: 

علاقتهم بتتميز بالسلاسة والهدوء، يعتبروا مزيج ما بين المتقلبيين ومتجنبين الخناق، معبرين وفي نفس الوقت محايدين في التعبير عن مشاعرهم، الجميل إنهم بيحترموا وبيدعموا آراء واختيارات بعض الشخصية، علاقتهم متأسسة على المشاركة والعشرة، بيتعاملوا ككيان واحد، بيشاركوا بعض لحظات حميمية وعاطفية واحدة، مش بيركزوا على إختلافتهم إلا في الشديد القوي، لأن ببساطة فاهميين إنه طبيعي يختلفوا على حاجات، الفخ الوحيد إن ممكن روح منافسة بسيطة تتولد مابينهم،  وده بيؤدي لصراع على السلطة، بس مدته بتبقى قصيرة، لإن في الآخر بيعرفوا يتقابلوا في النص، وده كمان بيخلي اختلافاتهم  شكلها منطقي وعقلاني، نسبة الإيجاب للسلب في العلاقة دي بتكون 5:1. 

العدائيين:

في أغلب الأوقات بنلاقي العدائيين بيقضوا تلات ارباع وقتهم يا بيطلعوا القطط الفاطسة في بعض، يا بيدافعوا عن نفسهم، والربع الأخير زن وغيظ، للأسف التفاهم، الدعم النفسي والمعنوي والتعاطف ما بينهم قليل جدا، خناقاتهم هي هي ما بتتغيرش من كتر ما كل واحد مصر على موقفه ورأيه، العلاقة بينقصها تواصل، تفاهم، شغف، تعاطف أو حميمية. 

واحد فيهم بيكون الشخص اللي بيفضل المواجهة دايما والتاني بيفضل الهروب، وده بيكهرب العلاقة جدا ومع الوقت الإحساس بالكره والغيظ بيغلب، للأسف العدائيين ما بيقدروش لا يخلقوا ولا يحافظوا على علاقة صحية مع بعض، وعلشان كده معظم أوقاتهم اللي بيعيشوها سوا مش سعيدة.

  

المتجوزين الأعداء:

الجوازة دي عاملة زي ساحة الحرب اللي ملهاش آخر!، طرف بيرفض النقاش وبيستسلم للهزيمة علشان ما يوجعش دماغه، والتاني مش عاتق مولع ومصر على الخناق. الخناق في حالتهم أسلوب حياة، وده طبعا بيخليهم مستنزفين ومرهقين عصبيا وعاطفيا، أساس علاقتهم الانتقاد، الإسلوب الدفاعي، الغيظ والعنف. 

الخناقات اللي ما بتخلصش دي بتنتهي بانفصال عاطفي تام لحد اليأس والتخلي عن العلاقة تماما، وعلشان كده المتجوزين الأعداء أكتر نوع عندهم نسبة طلاق عالية، الغريب إن العدائيين مش شرط علاقتهم تنتهي بطلاق، لإن بشكل ما بيعرفوا يتعاملوا مع خلافاتهم، عكس المتجوزين الأعداء ما بيعرفوش.

المقالة مستوحاه من:

مقالة " The 5 Types of Couples" للدكتور جون جوتمان. 

مقالة " Gottman Research Describes 5 Kinds of Couples" للكاتب دانيال داشناو على موقع Therapy Inc. website

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now