ازاي تختاروا الـBridesmaids و الـGroomsmen

اللخبطة، الحماس، و الجايزة الاخيرة

Large

من أقل من 10 سنين، ما كنش في إتنين بيحبوا بعض يجرؤوا إنهم يفكروا حتى في موضوع الـ bridesmaids اللي هم صاحبات العروسه، والـ groomsmen اللي هم أصحاب العريس. عشان أصلا ما كنش في حاجة اسمها كده. لأ واللي زاد على الموضوع إن في عرسان دلوقتي كمان بيختاروا أكتر إتنين قريبين منهم وبيحولوهم للـmaid of honor و الـbest man بتوعهم، بقولكوا الحياة اتغيرت على الآخر!.  دلوقتي، غالبا هتلاقوا إن كدة كدة كل الناس اللي تعرفوها مستنياكم تختاروا الـbridesmaidsوالـgroomsmen بتوعكم على نار أحر من الجمر. زي ما انتوا أكيد عارفين، إلا لو انتوا مش عايشين في الدنيا؛ إن موسم الزواج قرب علينا ولو ركزتوا شوية، غالبا هتقدروا تشموا ريحة الفندان بتاع الكيك الـ16 دور والدانتيل والتوتر اللي بيسطير على العرسان. 

تصوير حامد كامل

أكيد في ناس مش فاهمة الكلام ده، بس عملية اختيار الـbridesmaids و الـgroomsmen عملية حقيقي صعبة ومرهقة، وعشان كدة لو مصحصحتوش معايا مش هنلحق نلم الليلة. 

قررنا ننقذكوا من الدوشة دي، لخصنا لكم الحوار كله في خمس نقط لو مشيتوا عليهم، حياتكم هتبقى أسهل والدنيا هتبقى فلة. 

تصوير Chronicle Studios

1. اعرفوا الأرقام 

عشان تكسر أي قاعدة، لازم تعرف الأول كل حاجة عنها بحذافيرها، و القاعدة بتقول إن 12 هو آخرك. يعني إيه؟ يعني البروتوكول بيقول إن مش المفروض العروسة تختار أكتر من 12 bridesmaid ونفس الحاجة للعريس. ليه بقى الرقم مهم؟ عشان من غير ما تحدد الرقم، مش هتقدر تعرف لو المكان هيكفي إن العدد ده كله هيقدريقف فيها. تاني حاجة، افرض إن كل واحد فيكم اختار رقم مختلف عن التاني، واحد اختار ٤ والتاني اختار 11، يبقى احنا منظرنا إيه دلوقتي؟ زبطوا الدنيا مع بعض إنه يبقى انتوا الاتنين مختارين تقريبا نفس العدد. 

تصوير حامد كامل

2. انجزوا الجزء السهل 

تعالوا نفترض إن كل واحد فيكم عنده 3 أصحاب في حياته مستحيل الفرح يقوم من غيرهم، يبقى دول كدة كدة أول 3 في الليستة بتاعتك، اللي بعده. كدة كل واحد فيكوا عنده ٣ أصحاب في حياته يقدر يستعين بيهم و يتناقش معاهم في مين تاني المفروض ينضم للمجموعة المبهرة بتاعتكم. اسمعولهم و خدوا رأيهم عشان دول أكتر ناس عارفنيكم و فاهمين دماغكم بتشتغل إزاي. و مين عارف؟ ممكن حتى يفاجئوكم.

تصوير حامد كامل

٣. ليكم في السياسة؟  

محدش يقدر يبسط كل الناس، بس ساعة الفرح غصب عنكم هتلاقوا نفسكم بتعملوا كدة و انتوا مش واخدين بالكم. عشان كدة لازم تبدأوا تتبعوا سياسة معينة في التعامل مع المواقف اللي هتقابلوها وده بيشمل القرابة. يعني مثلا دلوقتي، لو أهلك كعريس مصممين إن فادي ابن خالتك لازم يبقى واحد من الـ groosmen بتوعك، لو الموضوع مش هيأثر عليك، يبقى خلي اليوم  يعدي أحسن واعملهم اللي هما عايزينه. و لو مرات أخوكي هتقتنع إنك بتكرهيها لو مخلتيهاش bridesmaid، يبقى خليكي مرنة إنتي كمان وفكري في أثر ده على المدى البعيد. 

٤. الواجب الوطني

لازم تبقوا عارفين الناس اللي انتوا بتختاروهم شغلتهم هتبقى إيه. أولاً، الـmaid of honor من مهامها الأساسية إنها تخطط للـbridal shower كله، وتساعدك كعروسة إنك تختاري الفستان بتاعك وتبعت معاكي دعوات الفرح. من الآخر لازم تكون مازنجر عشان كمان تقدر تمتص غضبك، قلقك، جناجنك من كتر التوتر والضغوط. نفس الحاجة للـbest man، الراجل ده مسؤول إنه يعملك man shower إنت كمان. تاني حاجة، لازم يبقى في ضهرك لو أي حاجة حصلت ويساعدك تختار بدلة الفرح. 

تصوير ريمون الماركيز

الـbridesmaids و الـgroomsmen بيبقوا من الآخر تحت إشراف الـmaid of honor و الـbest man و مهمتهم إنهم يساعدوا العروسة والعريس في أي حاجة يطلبوها. حاجة أخيرة لازم تبقوا عارفنيها: الـbridesmaids و الـgroomsmen هما اللي بيتحملوا مصاريف فساتينهم وبدلهم وأي تكاليف سفر لو موجودة. 

٥. زيعوا 

أول ما كل واحد فيكم يبقى خلاص قرر هو عايز مين في الليستة بتاعته و تكونوا خلاص اتفقتوا على كل حاجة، لازم تروحوا شخصياً بنفسكم تسألوا كل واحد انتوا اختارتوه لو هو حابب إنه يبقى الـ bridesmaid أو الـ groomsmen بتاعك. ما تنسوش تعملوا حساب أي عوامل ممكن تخلي الشخص اللي قدامك يضطر يرفض طلبك، زي الفلوس والسفر البعيد مثلا. وحاولوا ما تخدوش الموضوع بشكل شخصي لو طلبكم اتقابل بالرفض. بس الفكرة في الآخر إن الشخص لو قريب منك بجد، إنت أكيد هتبقى عارف ظروفه ورده من الأول. 

تصوير Chronicle Studios

من أقل من ١٠ سنين، ما كنش في إتنين بيحبوا بعض يجرؤوا إنهم يفكروا حتى في موضوع الـ bridesmaids و الـ groomsmen عشان أصلا ما كنش في حاجة اسمها كده. لأ واللي زاد على الموضوع إن في عرسان دلوقتي كمان بيختاروا أكتر إتنين قريبين منهم وبيحولوهم للـmaid of honor و الـbest man بتوعهم، بقولكوا الحياة اتغيرت على الآخر!.  دلوقتي، غالبا هتلاقوا إن كدة كدة كل الناس اللي تعرفوها مستنياكم تختاروا الـbridesmaidsوالـgroomsmen بتوعكم على نار أحر من الجمر. زي ما انتوا أكيد عارفين، إلا لو انتوا مش عايشين في الدنيا؛ إن موسم الزواج قرب علينا ولو ركزتوا شوية، غالبا هتقدروا تشموا ريحة الفندان بتاع الكيك الـ16 دور والدانتيل والتوتر اللي بيسطير على العرسان.