إعملي الصح! حضري بشرتك قبل إزالة الشعر بالليزر

Large

عايزة تبتدي جلسات إزالة الشعر بالليزر ومش إيه أول خطوة! لو دى أول مرة ليكى وبتفكرى تعملى جلسة لإزالة الشعر نهائيا بالليزر، فيه تعليمات مهمة للعناية لازم تاخدى بالك منها قبل وبعد كل جلسة، عشان تضمني جلسة فعالة وأمان ومن غير ألم. حاجات بسيطة جدا لازم تعمليها هنقولك عليها.

استخدمى الشفرة 

استخدمى الشفرة لإزالة الشعر في المنطقة إلى هتعملى فيها ليزر قبل معاد الجلسة بيوم أو يومين على الأقل، وإبعدى عن الشمع أو أى طرق تشيله من الجذور، عشان تضمنى إن أشعة الليزر توصل للشعرة، واستنى أسبوع أو أكتر قبل ما تبدأى جلسات إزالة الشعر بالليزر.

أدوية ما تتعارضش مع الليزر

كتير ما يعرفوش إن فيه أدوية بتتعارض مع استخدام الليزر! لازم تقولي عليها للدكتور، وإتأكدى إنها أمان قبل ما تعملى الجلسة، عشان تضمنى إن الليزر يكون فعال ومش هيحرق بشرتك، وعرفى الشخص المسئول عن جهاز الليزر أى أدوية بتاخديها من المضاد الحيوى لوسائل منع الحمل.

إقرا أكتر: اتخلصي من جلد الوزة قبل الفرح.. لبشرة ناعمة زى الحرير

شيلى اللوشن والزيوت

لازم بشرتك تكون نضيفة ومفيش عليها أى آثار لمستحضرات تجميل قبل معاد الجلسة، وممنوع تحطي أى كريم، زيوت أو بيرفيوم، المنطقة لازم تكون نضيفة تماما عشان النتيجة تكون أحسن. 

ممنوع حَقن البشرة

ممنوع تعملى حَقن لبشرتك بالبوتوكس والفيلر في المناطق إلى هتعالجيها قبل معاد جلسة الليزر بـ14 يوم على الأقل، وده بينطبق كمان على العلاجات الجلدية زى تقشير الجلد العادى، والتقشير الكريستالى، لأنه في الحالة دى هيخلى البشرة تلتهب. 

ابعدي عن الشمس

ضرورى تستخدمى كريمات الحماية من الشمس بكمية كبيرة بعد جلسة إزالة الشعر بالليزر، لأنها هتضر بشرتك جدا، والأفضل تتجنبى النزول في الشمس قبل وبعد العلاج بالليزر وكمان التان.

عايزة تبتدي جلسات إزالة الشعر بالليزر ومش إيه أول خطوة! لو دى أول مرة ليكى وبتفكرى تعملى جلسة لإزالة الشعر نهائيا بالليزر، فيه تعليمات مهمة للعناية لازم تاخدى بالك منها قبل وبعد كل جلسة، عشان تضمني جلسة فعالة وأمان ومن غير ألم. حاجات بسيطة جدا لازم تعمليها هنقولك عليها.

استخدمى الشفرة