إزاي تكون عريس مثالي يوم فرحك؟

Large

يوم الفرح هو أكتر يوم بيستناه العريس وعروسته، اليوم اللي هينسيوا فيه كل التعب والمجهود اللي اتعمل الفترة اللي فاتت. أخيرا الحلم الأكبر في حياتك بيتحقق، وكل اللي بتتمناه إنه يعدي بسلاسة وزي ما هو متخطط له.

على قد ما بيكون يوم الفرح هو اليوم المنتظر للعريس، على قد الضغط النفسي بيكون قوي عليه، وبسببه ممكن تحصل بعض الأخطاء، وده اللي أكيد محدش عاوزه.

أول حاجة لازم تعرفها إن يوم الفرح متقسم لـ 3 أجزاء، الجزء الأول "يوم الفرح الصبح"، الجزء الثاني "مراسم الفرح"، أما الثالث هو "الحفل". كل واحد من الثلاثة فيه تفاصيل كثيرة محتاجة شوية تركيز، هنقولك إيه اللي المفروض تعمله. 

إحنا هنساعدك تبعد تماما عن الضغط، خاصة إن اليوم طويل ومليان تفاصيل كثيرة، وعلشان تبقى العريس المثالي إمشي معانا في الخطوات الجاية:

الجزء الأول: يوم الفرح الصبح:

- إصحى براحتك: 

الصحيان بدري مفيد، لكن بما إنك العريس لازم تاخد كفايتك من النوم، خصوصا إن اليوم هيكون طويل، ومفيش مانع برضه إنك تنام ساعتين بعد الضهر، وخلي دايما حد من أصحابك أو أخواتك يكون على علم بكل التفاصيل علشان لو في حاجة محتاجة تخلص يقدر يخلصها.

- ما تنساش تاكل: 

الفرحة ممكن تنسيك الأكل، لكن لازم تفطر الصبح كويس، فطار فيه بروتين بس ميكونش تقيل أو فيه حاجة تسبب لك حساسية ، أبعد عن البصل علشان ميكونش ريحة الفم مش لطيفة.

الجزء الثاني مراسم الزواج: 

- بلاش تشوفها بالفستان قبل مراسم الفرح:

معتقدات وتقاليد الفرح مركزة أكثر مع العروسة بس ده ميمنعش أنك بتاخد حقك، ولما جدتك أو مامتك يقولولك "مينفعش تشوف عروستك بفستان الفرح قبل الفرح! يا ابني ده فال وحش" معلش أسمع الكلام المرة دي، وما تضيعش على نفسك فرحة إنك تشوفها بفستان الفرح أول مرة، هتفضل طول عمرك فاكر اللحظة دي، لأنها من أكثر اللحظات المميزة في الفرح، بتفتكر قد إيه تعبت عشان توصل للحظة دي، ده سبب يخليك تمشي ورا التقاليد المرة دي ومش هتندم.

شوف أكتر: الدليل الكامل للعريس لاختيار دبلة الزواج

 

- أساس الفرح هو مراسم الزواج، علشان كده دي من أكثر الحاجات اللي بتوتر العريس والعروسه، لازم تكون مركز في التفاصيل البسيطة علشان المراسم تمشي كويس، زي مثلا أنك تكون بتضحك و تبتسم لأي حد يبصلك، جسمك يكون مشدود وراسك مرفوعة، إيدك متكونش في جيبك، ما تتكلمش بصوت عالي أو تضحك بابتذال خاصة لو في مكان مقدس، اشكر كل واحد بيسلم عليك بإسمه، وطبعا بص لعروستك من حين لآخر.

الجزء الأخير الفرح:

مراسم الزواج بنلاقي فيها طنط المتأثرة وماما اللى بتعيط، لكن الحفلة بتكون مليانة فرحة، أكل وشرب ورقص.

الناس بتيجي الفرح عشان الفرحة والهيصة، هتلاقي كل الناس اللي بيحبوك حواليك، هتلاقي ناس بتباركلك، وناس بتسلم، شويه بينصحوك، ناس بتشكر في التحضيرات واللي بيأكلك ويشربك. مع كل الزحمه دي لازم تحاول تتعامل مع كل المعازيم بلطافة وشياكة، وتشكرهم وتتأكد أنهم مستمتعين بوقتهم. 

في النهاية متنسوش إن ده يومكم، وانتوا سبب الفرحة كلها، انبسطوا وافرحوا على قد ما تقدروا، خلوا كل دقيقة في حياتكم هي بداية قصة حب جديدة، بدايتها الحقيقية كانت في ليلة فرحكم.

 

معظم النصائح تم أخذها من كتاب دليل تعليمات العريس.

يوم الفرح هو أكتر يوم بيستناه العريس وعروسته، اليوم اللي هينسيوا فيه كل التعب والمجهود اللي اتعمل الفترة اللي فاتت. أخيرا الحلم الأكبر في حياتك بيتحقق، وكل اللي بتتمناه إنه يعدي بسلاسة وزي ما هو متخطط له.

على قد ما بيكون يوم الفرح هو اليوم المنتظر للعريس، على قد الضغط النفسي بيكون قوي عليه، وبسببه ممكن تحصل بعض الأخطاء، وده اللي أكيد محدش عاوزه.

أول حاجة لازم تعرفها إن يوم الفرح متقسم لـ 3 أجزاء، الجزء الأول "يوم الفرح الصبح"، الجزء الثاني "مراسم الفرح"، أما الثالث هو "الحفل". كل واحد من الثلاثة فيه تفاصيل كثيرة محتاجة شوية تركيز، هنقولك إيه اللي المفروض تعمله. 

إحنا هنساعدك تبعد تماما عن الضغط، خاصة إن اليوم طويل ومليان تفاصيل كثيرة، وعلشان تبقى العريس المثالي إمشي معانا في الخطوات الجاية:

الجزء الأول: يوم الفرح الصبح:

- إصحى براحتك: 

الصحيان بدري مفيد، لكن بما إنك العريس لازم تاخد كفايتك من النوم، خصوصا إن اليوم هيكون طويل، ومفيش مانع برضه إنك تنام ساعتين بعد الضهر، وخلي دايما حد من أصحابك أو أخواتك يكون على علم بكل التفاصيل علشان لو في حاجة محتاجة تخلص يقدر يخلصها.

- ما تنساش تاكل: 

الفرحة ممكن تنسيك الأكل، لكن لازم تفطر الصبح كويس، فطار فيه بروتين بس ميكونش تقيل أو فيه حاجة تسبب لك حساسية ، أبعد عن البصل علشان ميكونش ريحة الفم مش لطيفة.

الجزء الثاني مراسم الزواج: 

- بلاش تشوفها بالفستان قبل مراسم الفرح:

معتقدات وتقاليد الفرح مركزة أكثر مع العروسة بس ده ميمنعش أنك بتاخد حقك، ولما جدتك أو مامتك يقولولك "مينفعش تشوف عروستك بفستان الفرح قبل الفرح! يا ابني ده فال وحش" معلش أسمع الكلام المرة دي، وما تضيعش على نفسك فرحة إنك تشوفها بفستان الفرح أول مرة، هتفضل طول عمرك فاكر اللحظة دي، لأنها من أكثر اللحظات المميزة في الفرح، بتفتكر قد إيه تعبت عشان توصل للحظة دي، ده سبب يخليك تمشي ورا التقاليد المرة دي ومش هتندم.

شوف أكتر: الدليل الكامل للعريس لاختيار دبلة الزواج