إزاي تختار هدايا المعازيم

فن اختيار الهدايا

Large

فرحك أكيد يوم ما يتنسيش بالنسبة لك، بس هو ممكن الفرح يبقى يوم ما يتنسيش كمان للمعازيم؟. الإجابة على السؤال ده هي "أكيد" وعلشان كده الناس اخترعت فكرة هدايا المعازيم زي بالظبط الهدايا اللي بتكون موجودة في السبوع. لكن الفرق هنا، إن هدايا الفرح للمعازيم بتكون هدفها الشكر والحب لكل شخص جه وفرح بيك ومعاك ووقف جنبك في يوم زي ده. الطقس ده ما ينفعش يتعمل وأنت مش مقتنع بيه، وهو مش فرض ولا مرتبط كمان بفرح كبير أو احتفال على الضيق، تقديم هدايا للمعازيم تفصيلة زيادة، اعملها بس لو مقتنع بيها ومصدق في معناها.

وعلشان فيه حاجة اسمها "فن اختيار الهدايا"، هنقولك إزاي تختار هدايا المعازيم في خمس خطوات.

دوّر وفكر:

خد وقت كفاية في التدوير قبل ما تختار، اسأل الناس واسأل لو حد عمل كده في فرحه أو جاله هدية في فرح اتعزم فيه قبل كده. دوّر على أفكار جديدة أونلاين وفكر إزاي تنفذها وتكون مناسبة ليك ولميزانية فرحك. تقدر تستخدم كلام كتير وأنت بتدور زي "هدايا للمعازيم"، "هدايا الفرح"و "هدايا تذكارية".

ما وراء الحاجات:

دلوقتي أنت جاهز تختار وتقرر، فاضلك بس تجاوب على شوية أسئلة علشان تساعدك تنقي الهدايا لما تعرف بالظبط "ما وراء الحاجات".

١- لو أنت من المعازيم، إيه نوعية الهدايا اللي تحب تروح بيها من الفرح؟ هل هتحب إنها تكون هدية عملية وتستخدمها بعد كده؟ ولا تفضل إنها تكون حاجة حلوة للأكل أو للشرب؟

هدايا Antopola

٢- إيه المعنى اللي عايز الهدايا توصله للناس؟ حاجة تبقى رومانسية وشاعرية؟ ولا حاجة مباشرة معناها "شكرا إنك شرفتنا"؟ ولا أحسن إنها تكون هدايا بهدف خيري أو فلوسها هتروح تبرع في مكان معين؟ 

٣- إيه شكل ستايل فرحك؟ ألوانه الأساسية إيه؟ إيه نوعية الهدايا اللي هتناسب الجو وتليق عليه؟

٤- ميزانيتك تسمح بقد إيه للهدايا؟ هل الفلوس هتكفي أصلا؟ وهتغطي أي نوع من الهدايا؟

 Flattiesهدايا 

جهز نفسك واستعد وشمّر:

١- متفوتش الفرصة لو أنت بتحب تعمل حاجات بإيدك وبنفسك ولو بتقدر أكتر الهدايا اللي معمولة بالإيد، جهز نفسك واستعد وشمّر كده الأكمام ونفذ الهدايا أنت بطريقة الـDIY(Do it Yourself). ده هيوفرلك كتير في الفلوس، بس أكيد هيحتاج منك شوية وقت أكتر. لكن عموما، هو أحسن استثمار للوقت. 

٢- لو هتجيب هدايا المعازيم كلها أونلاين، اعمل حسابك تطلب عينة قبل الفرح بشهر أو شهرين وتجربها بنفسك.

٣- سواء هتشتري، هتطلب أونلاين أو هتعمل الهدايا بنفسك، جهز كمية زيادة احتياطي. الزيادة دي لازم تكون على الأقل ٥٪ من العدد الكامل لمعازيم الفرح. 

٤- طريقة التقديم للهدايا وتغليفها حاجة مهمة، هتفرق مع الناس ومعاك جدا. التقديم بطريقة مميزة وجديدة هيزود من قيمة الهدية وهيوصل المعنى اللي أنت عايزه بالظبط. 

مبنعملش كده:

إحنا قولنا في الأول إن هدايا المعازيم نفس فكرة هدايا السبوع، لكن خليك فاكر برضه إنه مش سبوع. يعني متطبعش صوركم على الهدية ولا أساميكم ولا التاريخ، ما بنعملش كده لأ. لو عايز، ممكن تطبع حاجة من دول على تغليف الهدية أو الشنطة وبس. أصل مفيش حد، مهما كان بيحبك هيستخدم مج ولا كوستر ولا دبوس عليه صورتك، ده هيبقى تضييع للعمر والفلوس.

هدايا الخردواتي

ما تفوتكش الأفكار:

عارفين إنك دلوقتي بدأت تتساءل عن أفكار الهدايا. هتلاقي هنا كل اللي هيساعدك. 

وخلينا برضه نقولك شوية اقتراحات علشان ما تفوتكش الأفكار الحلوة: 

- حاجة حلوة للأكل أو للشرب، زي كيك بيتي أو بُن أو شاي بنكهات. ممكن كمان تقدم لضيوفك وجبات خفيفة وسناكس للطريق وهم مروحين. 

- الكوستر هدية بسيطة وجميلة ودايما مفيدة، تقدر تكتب عليها جملة بتحبها أو إهداء وهتكون مميزة. 

هدايا The Guestbook

- لو هتلعب في فرحك مزيكا مختلفة وهتعمل ميكس مميز، ممكن تكون هدية الفرح للمعازيم CD عليه كل أغاني الفرح. 

- ركن للهدايا بهدف خيري. دي فكرة مختلفة شوية، لو أنت مهتم بقضية معينة أو بتدعم جمعية خيرية أو مؤسسة تقدر تجيب كل هدايا فرحك من عندهم وتكتب للمعازيم على الركن ده الحاجات دي منين وليه. في الحالة دي، تقدر تشتري المنتجات بتخفيض كويس لأنك بتساعد في نشر الوعي بالفكرة وزيادة التبرعات. 

- زرع صغير، فكرة مش تقليدية وهتضيف حياة أكتر للفرح بألوانها. 

- ممكن تعمل هدية مختلفة لكل ترابيزة حسب الضيف اللي هيكون قاعد عليها. الفكرة دي هتحتاج منك مجهود كبير، لكن هتكون لفتة جميلة منك. ونقدر نأكدلك إن في الحالة دي المعازيم هيحتفظوا بالهدية للأبد وعمرهم ما هينسوا فرحك.

 

فرحك أكيد يوم ما يتنسيش بالنسبة لك، بس هو ممكن الفرح يبقى يوم ما يتنسيش كمان للمعازيم؟. الإجابة على السؤال ده هي "أكيد" وعلشان كده الناس اخترعت فكرة هدايا المعازيم زي بالظبط الهدايا اللي بتكون موجودة في السبوع. لكن الفرق هنا، إن هدايا الفرح للمعازيم بتكون هدفها الشكر والحب لكل شخص جه وفرح بيك ومعاك ووقف جنبك في يوم زي ده. الطقس ده ما ينفعش يتعمل وأنت مش مقتنع بيه، وهو مش فرض ولا مرتبط كمان بفرح كبير أو احتفال على الضيق، تقديم هدايا للمعازيم تفصيلة زيادة، اعملها بس لو مقتنع بيها ومصدق في معناها.

وعلشان فيه حاجة اسمها "فن اختيار الهدايا"، هنقولك إزاي تختار هدايا المعازيم في خمس خطوات.

دوّر وفكر:

خد وقت كفاية في التدوير قبل ما تختار، اسأل الناس واسأل لو حد عمل كده في فرحه أو جاله هدية في فرح اتعزم فيه قبل كده. دوّر على أفكار جديدة أونلاين وفكر إزاي تنفذها وتكون مناسبة ليك ولميزانية فرحك. تقدر تستخدم كلام كتير وأنت بتدور زي "هدايا للمعازيم"، "هدايا الفرح"و "هدايا تذكارية".

ما وراء الحاجات:

دلوقتي أنت جاهز تختار وتقرر، فاضلك بس تجاوب على شوية أسئلة علشان تساعدك تنقي الهدايا لما تعرف بالظبط "ما وراء الحاجات".

١- لو أنت من المعازيم، إيه نوعية الهدايا اللي تحب تروح بيها من الفرح؟ هل هتحب إنها تكون هدية عملية وتستخدمها بعد كده؟ ولا تفضل إنها تكون حاجة حلوة للأكل أو للشرب؟

هدايا Antopola

٢- إيه المعنى اللي عايز الهدايا توصله للناس؟ حاجة تبقى رومانسية وشاعرية؟ ولا حاجة مباشرة معناها "شكرا إنك شرفتنا"؟ ولا أحسن إنها تكون هدايا بهدف خيري أو فلوسها هتروح تبرع في مكان معين؟ 

٣- إيه شكل ستايل فرحك؟ ألوانه الأساسية إيه؟ إيه نوعية الهدايا اللي هتناسب الجو وتليق عليه؟

٤- ميزانيتك تسمح بقد إيه للهدايا؟ هل الفلوس هتكفي أصلا؟ وهتغطي أي نوع من الهدايا؟

 Flattiesهدايا 

جهز نفسك واستعد وشمّر:

١- متفوتش الفرصة لو أنت بتحب تعمل حاجات بإيدك وبنفسك ولو بتقدر أكتر الهدايا اللي معمولة بالإيد، جهز نفسك واستعد وشمّر كده الأكمام ونفذ الهدايا أنت بطريقة الـDIY(Do it Yourself). ده هيوفرلك كتير في الفلوس، بس أكيد هيحتاج منك شوية وقت أكتر. لكن عموما، هو أحسن استثمار للوقت. 

٢- لو هتجيب هدايا المعازيم كلها أونلاين، اعمل حسابك تطلب عينة قبل الفرح بشهر أو شهرين وتجربها بنفسك.

٣- سواء هتشتري، هتطلب أونلاين أو هتعمل الهدايا بنفسك، جهز كمية زيادة احتياطي. الزيادة دي لازم تكون على الأقل ٥٪ من العدد الكامل لمعازيم الفرح. 

٤- طريقة التقديم للهدايا وتغليفها حاجة مهمة، هتفرق مع الناس ومعاك جدا. التقديم بطريقة مميزة وجديدة هيزود من قيمة الهدية وهيوصل المعنى اللي أنت عايزه بالظبط. 

مبنعملش كده:

إحنا قولنا في الأول إن هدايا المعازيم نفس فكرة هدايا السبوع، لكن خليك فاكر برضه إنه مش سبوع. يعني متطبعش صوركم على الهدية ولا أساميكم ولا التاريخ، ما بنعملش كده لأ. لو عايز، ممكن تطبع حاجة من دول على تغليف الهدية أو الشنطة وبس. أصل مفيش حد، مهما كان بيحبك هيستخدم مج ولا كوستر ولا دبوس عليه صورتك، ده هيبقى تضييع للعمر والفلوس.

هدايا الخردواتي

ما تفوتكش الأفكار:

عارفين إنك دلوقتي بدأت تتساءل عن أفكار الهدايا. هتلاقي هنا كل اللي هيساعدك. 

وخلينا برضه نقولك شوية اقتراحات علشان ما تفوتكش الأفكار الحلوة: 

- حاجة حلوة للأكل أو للشرب، زي كيك بيتي أو بُن أو شاي بنكهات. ممكن كمان تقدم لضيوفك وجبات خفيفة وسناكس للطريق وهم مروحين. 

- الكوستر هدية بسيطة وجميلة ودايما مفيدة، تقدر تكتب عليها جملة بتحبها أو إهداء وهتكون مميزة.