إزاي تختار ستايل صور فرحك؟

من ٤ طرق مختلفة في التصوير

Large

كل حاجة وليها ستايل وطريقة، حتى في التصوير. صور فرحك لازم تكون شبهك وفيها من روحك، وعلشان ده يحصل محتاج تتعلم شوية حاجات عن التصوير الأول وتعرف الفرق بين الأساليب المختلفة قبل ما تختار مصور فرحك

في البداية كده، هتحتاج لفة طويلة وكاملة أونلاين بين Pinterest، Instagram، جوجل وحتى الصور بتاعتك اللي بتحبها ومحتفظ بيها. افتكر إيه اللي بتحبه في صور الأفراح ومين المصور اللي دايما صوره كانت بتلفت انتباهك، إيه ستايل الصور اللي بترتاحله أكتر. 

تصوير: إيهاب زكريا

وعلشان نسهل عليك، فيه ٤ أنواع أساسية لستايل التصوير في الأفراح:

١. الكلاسيك:

 ده الستايل اللي فيه المصور بيستخدم أكتر كل ما هو تقليدي، متعارف عليه وكلاسيكي سواء في شكل الصور، الألوان أو التكنيك، ودايما هدفه بيكون إنه يبين المشهد الكبير من غير زحمة وتفاصيل كتير. الستايل ده بالأساس بيخليك تحس بالراحة وأنت بتشوف الصور، بتوصلك ببساطة الفرحة والسعادة من غير ضغوط أو مغامرات. 

تصوير: ميلاد نصيف

٢. الفني:

في الستايل ده، بتحس إن الصور بترقص لوحدها وحرفيا بتحس إنها بتنطق من جمالها. الصور هنا مليانة طاقة، حركة، ألوان، أفكار جديدة، إبداع، ناس، ضحك ومشاهد رقص.

تصوير: حامد كامل

٣. الصحفي:

ستايل المصور الصحفي للفرح بيكون كأنه بيحكيلك قصة، ليها بداية ووسط ونهاية. والمصور هنا بيكون منظم جدا، ماشي برتم محدد وواضح ودايما القصة نفسها هي البطل الحقيقي في الصورة أو في سلسلة الصور.

تصوير: محمد عاطف

٤. الدراما:

الستايل ده هو اللي مليان تفاصيل، كل حاجة صغيرة بتفرق هتلاقي المصور واخدلها صورة، والبطل الحقيقي في كل واحدة منهم بتكون مجرد قطعة أوجزء صغير من البازل اللي بيكمل المشهد الكبير.

تصوير: Chronicle Studios

كل حاجة وليها ستايل وطريقة، حتى في التصوير. صور فرحك لازم تكون شبهك وفيها من روحك، وعلشان ده يحصل محتاج تتعلم شوية حاجات عن التصوير الأول وتعرف الفرق بين الأساليب المختلفة قبل ما تختار مصور فرحك

في البداية كده، هتحتاج لفة طويلة وكاملة أونلاين بين Pinterest، Instagram، جوجل وحتى الصور بتاعتك اللي بتحبها ومحتفظ بيها. افتكر إيه اللي بتحبه في صور الأفراح ومين المصور اللي دايما صوره كانت بتلفت انتباهك، إيه ستايل الصور اللي بترتاحله أكتر.