إزاي تختار بوفيه فرحك؟

لو بتحب الأكل وعايزه على ذوقك يوم فرحك

Large

فيه ناس بتآكل وخلاص، وفيه الناس اللي بتتفنن في عمايل الأكل وفي إنه يطلع حلو، وفيه اللي بيستمتع بكل لحظة وهو بيآكل. لو بتحب الأكل أو لأ، لازم تعترف إن الأكل ده فن ومتعة ومزاج لناس كتير، وفي يوم فرحك، هتكون عايز المعازيم مينسوش طعم اليوم ويا سلام لو كمان الأكل زود من جماله.

في خمس خطوات، هنقولك إزاي تختار بوفيه فرحك واللي هيقدمه.

بوفيه: Crave

١. نسأل الأسئلة المهمة:

قبل أي خطوة، المهم إنك تكون اخترت مكان فرحك الأول وحجزت. ولما ده يحصل، لازم تسأل المكان إذا كان فيه مطبخ ولا لأ، وتسأل عن فريق الطبخ، وعن اللي بيقدموا الأكل، وتعرف إذا المكان ممكن يرشحلك ناس بيتعامل معاهم في موضوع الأكل والبوفيه. بعد كده، لازم تجرب بنفسك، اطلب أي حاجة من أكل المكان أو من اللي رشحهولك. ومتنساش تقرأ آراء وتقييمات الناس أونلاين عن الأكل والبوفيه في الأفراح تبع المكان اللي حجزت فيه.

المكان: إنتركونتيننتال سيتي ستارز القاهرة

٢. اختار بقى:

بعد ما سألت وجربت، تقدر دلوقتي تقرر إذا كنت محتاج حد تاني يكون مسؤول عن البوفيه أو لأ. وهنا هيكون عندك شوية اختيارات تعملها زي الاختيار بين الاوبن بوفيه وتقديم الطلبات الجاهزة. وتختار هل هتحتاج تقدم مشروبات سخنة أو ساقعة مع الأكل؟ وبالنسبة لطقم التقديم، هل هتحتاج ناس متخصصة للبوفيه؟ هتحب يكون البوفيه تبع مطبخ معين؟ يعني أكل إيطالي، عربي، صيني، هندي؟ فيه حد من المعازيم هتطلبله أكل صحي أو نوع أكل محدد؟

٣. وقت التدوير: 

لما تختار وتجاوب على الأسئلة اللي فاتت، هتلاقي إن احتياجاتك بالظبط في الفرح بقت واضحة قدامك وعلى أساسها تقدر تبدأ تبعت لأكتر من حد بيقدم أكل الأفراح وتسألهم عن عروض الأسعار ومتوسط التكلفة. خلي دايما الميزانية في دماغك وأنت بتختار وحاول يكون اختيارك لناس قريبين من مكان الفرح. وأهم حاجة هنا وقبل حتى ما تبعت أو تتصل هي الرخصة الصحية والورق الرسمي، اتأكد من التصريحات دي الأول علشان سلامتك وسلامة ضيوفك. ومتفوتش تعليقات الناس وتقييماتهم على السوشيال ميديا، لأنها هتوريلك الصورة الحقيقية اللي محتاج تتأكد منها. 

 

٤. اسأل عن الحاجات دي:

دي الأسئلة اللي محتاج تسألها قبل ما تتفق على بوفيه فرحك مع أي حد:

- الأكل والمكونات بتتجاب منين؟

- هل الأكل هيكون متجمد قبل الفرح؟

- فيه أكل هيتحضر قبل الفرح ولا لأ؟ ولو فيه، هيكون قبله بيوم ولا أكتر؟

- الأكل اللي هيفضل هيروح فين؟ وإزاي؟

- حجم الأطباق اللي هتتقدم بيكون إيه وكمية الأكل قد إيه؟

- التقديم بيكون عامل إزاي؟ وهل فيه صور من أفراح فعلية لشكل الأطباق؟

- هل بيتم الترتيب والتنضيف بعد الفرح ولا لأ؟

- ممكن يقدمولك إيه كمان زيادة سواء فكرة جديدة أو خدمة؟

 

٥. اطلب الحاجات دي:

حاجتين مهمين لازم تطلبهم:

١. دوق الأول: 

متنساش تطلب الأول وجبة للتجربة، ومتكونش ليك لوحدك، تكون لعدد في البيت أو برة علشان تعرف رأي الناس وتدوق الطعم بنفسك.

٢. عقد مكتوب:

دي أسلم طريقة لكل الأطراف. خلي كل اتفاقاتك موثقة بعقد رسمي مكتوب ومتوقع عليه.






فيه ناس بتآكل وخلاص، وفيه الناس اللي بتتفنن في عمايل الأكل وفي إنه يطلع حلو، وفيه اللي بيستمتع بكل لحظة وهو بيآكل. لو بتحب الأكل أو لأ، لازم تعترف إن الأكل ده فن ومتعة ومزاج لناس كتير، وفي يوم فرحك، هتكون عايز المعازيم مينسوش طعم اليوم ويا سلام لو كمان الأكل زود من جماله.

في خمس خطوات، هنقولك إزاي تختار بوفيه فرحك واللي هيقدمه.

بوفيه: Crave

١. نسأل الأسئلة المهمة:

قبل أي خطوة، المهم إنك تكون اخترت مكان فرحك الأول وحجزت. ولما ده يحصل، لازم تسأل المكان إذا كان فيه مطبخ ولا لأ، وتسأل عن فريق الطبخ، وعن اللي بيقدموا الأكل، وتعرف إذا المكان ممكن يرشحلك ناس بيتعامل معاهم في موضوع الأكل والبوفيه. بعد كده، لازم تجرب بنفسك، اطلب أي حاجة من أكل المكان أو من اللي رشحهولك. ومتنساش تقرأ آراء وتقييمات الناس أونلاين عن الأكل والبوفيه في الأفراح تبع المكان اللي حجزت فيه.

المكان: إنتركونتيننتال سيتي ستارز القاهرة

٢. اختار بقى:

بعد ما سألت وجربت، تقدر دلوقتي تقرر إذا كنت محتاج حد تاني يكون مسؤول عن البوفيه أو لأ. وهنا هيكون عندك شوية اختيارات تعملها زي الاختيار بين الاوبن بوفيه وتقديم الطلبات الجاهزة. وتختار هل هتحتاج تقدم مشروبات سخنة أو ساقعة مع الأكل؟ وبالنسبة لطقم التقديم، هل هتحتاج ناس متخصصة للبوفيه؟ هتحب يكون البوفيه تبع مطبخ معين؟ يعني أكل إيطالي، عربي، صيني، هندي؟ فيه حد من المعازيم هتطلبله أكل صحي أو نوع أكل محدد؟