إزاي تختاري خاتم الجواز يليق على شكل إيدك!

الإيد ليها أشكال مختلفة زي الجسم بالظبط

Large

قبل ما تختارى شكل خاتم الجواز فكرتي الأول في شكل إيدك وهيليق عليها ولا لأ! لو عرفتي إزاى تنقي الخاتم الصح الى يكون مناسب لشكل إيدك هيسهل عليكي كتير وانتي بتشترى الخاتم. علشان تعملى ده لازم تحددي حاجة بسيطة في الأول وهي إنك تعرفي إيدك كويس وتعرفي هى إذا كانت رفيعة، صوابعك قصيرة، أو مفاصلك كبيرة؟ كل التفاصيل الصغيرة دي هتنقل خاتم الفرح لليفل تاني خالص. هنقولك على الحاجات اللى محتاجة تاخدي بالك منها علشان تختاري الخاتم اللي يليق مع شكل إيدك:

المفاصل الكبيرة

الهدف الاساسي من إنك تحددي شكل المفاصل علشان تعرفي تختاري خاتم يشتت الانتباه بعيد عن مفاصل صوابعك لو كبيرة. وفي الحالة دى، لازم تبعدى خالص عن خاتم الفرح الرفيع، اختاري خاتم يكون عريض وفيه قطع الماظ مش زى بعضها زى الزمرد. وده هيخلى العين تروح للخاتم ومتلاحظش شكل المفاصل .

الصوابع القصيرة