إزاي تختاري تسريحة شعرك على حسب شكل فستان فرحك!

Large

مهم جدا إنك تفكري كويس في شكل فتحة صدر فستان الفرح قبل ما تقرري تسريحة شعرك كعروسة هتكون شكلها إيه، الإتنين دول بيكملوا بعض وما ينفعش تهتمي بواحدة على حساب التانية! شعر العروسة يعني تاجها. فكري في كل تفاصيل اللوك اللي إنتي عايزاه في الأخر، وبلاش تتكلي على اختيارك لكوافير شاطر من غير ما تعرفي إيه أفضل أنواع تسريحات الشعر اللي هتناسب فتحة صدر فستان الفرح!

في المقالة دي هنقولك إيه التسريحة اللي بتناسب كل فتحة صدر الفستان علشان توصلي للوك اللي بتحلمي بيه!

1) فستان من غير حمالات:

لو إختيارك كان فستان من غير حمالات يبقى أكيد لازم كتافك هتظهر، أفضل التسريحات مع الستايل ده إنك ترفعي شعرك في شينيون شيك أو كحكة سايبة نازلة لتحت. ممكن تسيبي شعرك خالص لو عايزة لوك كاجوال شوية، أو تلمي جزء وتسيبي جزء، كله معتمد على ستايل الفستان كا كل.

تسريحة شعر العروسه

فستان فرح من Diamond Bridal

2) رقبة عالية:

الرقبة العالية معناها إن أكيد المنطقة دي كلها شغل وتطريزات! ما تخبيهاش لازم الناس تشوف حلاوة الفستان، شعرك في الحالة دي يترفع بشكل بسيط وممكن تضيفي ورود صغيرة.

تسريحه شعر العروسه

فستان فرح من The Wedding Shop

3) الرقبة الـ Bateau

ستايل فاحة الرقبة دي شيك وكلاسيكي، حاولي تختاري تسريحى شعر كلاسيكية برضه، ممكن كحكة لتحت فيها volume  معاها هيد بيس رقيق هيكون شكلك جميل! ممكن برضه تسريحة ديل حصان أو كحكة جاية علي جنب.

تسريحه شعر العروسه

فستان فرح من Diamond Bridal

4) فتحة الصدر V

مع شكل الفتحة دي ممكن تعملي شعرك wavy وتسيبيه شعرك خالص أو تجيبيه على جنب. ممكن برضه كحكة على جنب، ضفيرة على جنب، أو تلمي شوية وتسيبي شوية.

تسريحه شعر العروسه

فستان فرح من Atelier Farha

إقرا أكتر: إزاي تختاري مجوهرات العروسة على شكل فاتحة الصدر فستان فرحك

5) كتف وكتف:

الستايل ده شيك جدا ومودرن بشكل كبير، ممكن تعملي كحكة على جنب، أو تسيبيه وتجيبيه على جنب برضه، أو تجربي حاجة جديدة شوية وتعملي تسريحة ديل حصان زي دي كده!

تسريحه شعر العروسه

6) أوف شولدر:

اللوك ده بيمشي مع ستيلات كتير وتسريحات شعر مختلفة، جربي كحكة لورا، تلمي شوية وتسيبي شوية، أو تسيبيه وتجيبيه على جنب.

تسريحه شعر العروسه

فستان فرح من Malton Bridal

7) فتحة صدر شفافة:

فتحة الصدر الشفافة بتتميز بتطريزا ملفتة جدا للجزء اللي فوق للفستان. حاولي علشان ما تشتتيش الإنتباه، اعملي تسريحة زي إنك تلمي جزء وتسيبي جزء، كحكة فيها ضفاير، أو ترفعي شعرك خالص في تسريحة كلاسيكية.

تسريحه شعر العروسه

فستان فرح من Atelier Farha

8) الضهر المشغول:

لو ضهر فستان الفرح مشغول وفيه تطريزات وشغل في القماش، يبقى إعملي حسابك إنك لازم تظهريه! جربي كحكة شيك كلاسيكية، شعر ملفوف على جنب، ترفعيه في تسريحة بوهيمية، أو حتى كحكة مضفرة.