إزاي تختاري بوكيه الفرح

بوكيه تحتفظي بيه مش ترميه

Large

ممكن تسميه اكسسوار زيادة، تفصيلة بسيطة، تكملة للفستان أو أي حاجة تانية بس بوكيه العروسة بيخلي كل التفاصيل اللي حوليه تبقى أحلى. البوكيه هو اللي بيزود جمال فستان الفرح، بينور الصور وبيخلي اليوم كله مليان ألوان وفرحة. 

في خمس خطوات، هنقولك إزاي تختاري بوكيه فرح تكوني عايزة تحتفظي بيه مش ترميه ولا تحدفيه للمعازيم آخر اليوم. 

تصوير: إيهاب زكريا

١- الفستان ييجي الأول:

رغم إن البوكيه جزء كبير ومهم من مظهرك وشكلك يوم الفرح، إلا إنك ما ينفعش تختاريه الأول، الفستان دايما ييجي الأول في الاختيار. تصميم الفستان والستايل بتاعه بيحدد شكل البوكيه. يعني مثلا، فستان قصير مينفعش معاه بوكيه ملون وكبير، ولو فستان منفوش وطويل ما يليقش عليه بوكيه صغير وبسيط. اختيار الفستان والديزاين هو اللي هيتحكم بشكل مباشر في اختيار البوكيه.

فستان من: Blush Couture

 

٢- ستايل الفرح:

إيه ستايل الفرح بتاعك؟ إيه الألوان الأساسية المستخدمة في الديكور؟ هل منظم الفرح استخدم نوع معين من الورد على الترابيزات والكراسي؟ أصحاب العروسة هيكونوا ماسكين بوكيه أو ورد معين؟ الفرح هيكون امتى؟ وإيه أنواع الورود اللي بتكون موجودة في الوقت ده من السنة؟ وإيه نوع الورد اللي بيتزرع في البلد والمنطقة؟ دي كلها الأسئلة اللي ليها علاقة بستايل فرحك ولازم تجاوبي عليها الأول لأنها هتأثر مباشرة على اختيارك، وممكن تتحكم في إنك تختاري بين أنواع، أحجام، ألوان أو أشكال معينة. 

الورد من: May Flowers

٣- اعرفي لغة ومعنى كل نوع:

كل نوع ورد وليه معنى وإحساس مختلف بيوصله للناس، ووجوده بيكون ليه تأثير معين على المكان. وقبل ما تختاري البوكيه، لازم تكوني عارفة معنى كل نوع إيه واللغة اللي بيتكلم بيها. كل اللي أنتي محتاجاه، إنك تدوري وتقرأي عن الأنواع ورسايلها. وتعرفي إيه أشهر الأنواع في المنطقة بتاعة فرحك وأكتر الأنواع المستخدمة في الأفراح عامة وليه. ومن بين كل ده، اختاري أكتر نوع ورد قريب ليكي وبتحبي شكله وريحته. 

٤- دوري على:

١- آخر موضة منتشرة في الأفراح بالنسبة لبوكيه العروسة. هل فيه حاجة جديدة؟ هل فيه ستايل جديد ظهر وهيكون لسه مستمر في وقت فرحك؟ 

٢- أشهر وأفضل متخصصين الورود في الأفراح واللي هتلاقيهم كلهم في Weds360 من هنا. (لينك للورد في متخصصين الأفراح على الموقع)

البوكيه من: كيني فلاور

٥- ما تنسيش: 

 ١- إحساسك ورأيك. ما تنسيش تسألي نفسك وانتي بتختاري إذا كنتي مرتاحة وانتي ماسكة البوكيه ده ولا لأ. ده مهم جدا، لأنك هتفضلي شايلاه طول الفرح فلازم يكون خفيف على إيدك ومناسب لحجم جسمك. 

٢- تتصوري كتير على مدار اليوم بالبوكيه، وتكون الصور مرة في الشمس والصبح ومرة تانية بالليل. 

٣- تحافظي على المظهر الطبيعي للبوكيه. اقرأي عن طريقة الحفاظ على الورد الطبيعي لأطول فترة أونلاين، اعرفي الخطوات واعمليها لو البوكيه وصلك ليلة الفرح. ولو هتستلميه يوم الفرح الصبح، خلي واحدة من أصحابك تقوم بالمهمة دي على مدار اليوم في الفرح. 

 

ممكن تسميه اكسسوار زيادة، تفصيلة بسيطة، تكملة للفستان أو أي حاجة تانية بس بوكيه العروسة بيخلي كل التفاصيل اللي حوليه تبقى أحلى. البوكيه هو اللي بيزود جمال فستان الفرح، بينور الصور وبيخلي اليوم كله مليان ألوان وفرحة. 

في خمس خطوات، هنقولك إزاي تختاري بوكيه فرح تكوني عايزة تحتفظي بيه مش ترميه ولا تحدفيه للمعازيم آخر اليوم. 

تصوير: إيهاب زكريا

١- الفستان ييجي الأول:

رغم إن البوكيه جزء كبير ومهم من مظهرك وشكلك يوم الفرح، إلا إنك ما ينفعش تختاريه الأول، الفستان دايما ييجي الأول في الاختيار. تصميم الفستان والستايل بتاعه بيحدد شكل البوكيه. يعني مثلا، فستان قصير مينفعش معاه بوكيه ملون وكبير، ولو فستان منفوش وطويل ما يليقش عليه بوكيه صغير وبسيط. اختيار الفستان والديزاين هو اللي هيتحكم بشكل مباشر في اختيار البوكيه.

فستان من: Blush Couture

٢- ستايل الفرح:

إيه ستايل الفرح بتاعك؟ إيه الألوان الأساسية المستخدمة في الديكور؟ هل منظم الفرح استخدم نوع معين من الورد على الترابيزات والكراسي؟ أصحاب العروسة هيكونوا ماسكين بوكيه أو ورد معين؟ الفرح هيكون امتى؟ وإيه أنواع الورود اللي بتكون موجودة في الوقت ده من السنة؟ وإيه نوع الورد اللي بيتزرع في البلد والمنطقة؟ دي كلها الأسئلة اللي ليها علاقة بستايل فرحك ولازم تجاوبي عليها الأول لأنها هتأثر مباشرة على اختيارك، وممكن تتحكم في إنك تختاري بين أنواع، أحجام، ألوان أو أشكال معينة.