إزاي تختاري الستايليست بتاعك؟

علشان تعرفي إيه يليق عليكي أكتر

Large

مش لازم تكوني فنانة ولا نجمة علشان يبقالك ستايليست، إنتي العروسة، حتى نجمات السينما بيحلموا باليوم ده. ودلوقتي الوقت الأنسب ليكي علشان تختاري الستايليست لفستان فرحك. 

خلينا ناخد خطوة لورا، ونقولك الأول "الستايليست" بيعمل إيه.. وإيه الفرق بينه وبين مصمم فستان الفرح؟.

الستايليست ببساطة هيقولك إيه يليق على إيه، إيه اللون المناسب لدرجة بشرتك، إيه الاكسسوارات اللي تليق مع ستايل لبسك وشغلك وحياتك وشخصيتك. تعرفي حتى إن بُرجك يقدر يساعدك تختاري نوع المجوهرات والإكسسوار اللي يليق معاكي ويقولك إيه رسمة الحجر أو قصة الألماس اللي شبهك. غير إن الستايليست هو المسؤول عن الألوان بكل أشكالها، في شعرك، لبسك، طرحتك، فستان فرحك وإزاي تكون كل التفاصيل ماشية مع ألوان الديكور. هو عامل زي شخص بيسلمك كتالوج كامل عن نفسك، عن إيه اللي يبقى أحلى حاجة عليكي وإيه اللي ينورك ويبقى شبه شخصيتك وروحك، واللي على أساسه هتعرفي تختاري فيما بعد كل تفاصيل الفرح. وبما إننا ذكرنا الحدث ده، فالستايليست كمان يقدر يساعدك في إن بدلة عريسك تمشي مع فستانك، وفي إيه الورد المناسب لفرحك وألوانه وحتى فساتين أصحابك القريبين. هو كمان ممكن يساعد المصور في تصميم أفكار صور الفرح ويقولك تلبسي إيه في شهر العسل، عشان تطلعي بأحلى صورة ممكنة. 

وفي اللي جاي، هنقولك على الخطوات اللي تساعدك تختاري الستايليست بتاعك. 

١- ده لنفسك مش للفرح:

دايما إدي لنفسك وقت تجربي قبل ما تغيري الستايل أو تجددي فيه فجأة. وخدي وقتك قبل الفرح بفترة طويلة، لأن كلام الستايليست بتاعك هو اللي هيساعدك في كل خطواتك اللي بعد كده. إبدأي علشان نفسك مش علشان الفرح وخلاص، وجربي الجديد عليكي هيبقى شكله إيه. خدي نصيحة الستايليست ونفذيها الأول في حياتك اليومية وشوفي هتحسي إيه، اسألي اللي حوليكي شايفينك إزاي واسمعي منهم، واعرفي من القريبين الستايل ده لايق عليكي ولا لأ. إذا كل ده كان شبه بعضه وفي سكة واحدة، يبقى أنتي اختارتي الستايليست الصح. 

٢- واحدة واحدة:

خدي الموضوع خطوة خطوة، براحة ومتغيريش كل حاجة مرة واحدة. اتفرجي الأول على النجوم واللي بيعجبك ستايلهم، وبعدين قلبي في السوشيال ميديا عندك على الناس اللي يتحبي ذوقهم ولبسهم. بعد كده، حددي بحثك أكتر بالمكان والبلد والأقرب والمناسب ليكي، وابدأي اتفرجي على السوشيال ميديا بتاعة كل ستايليست واعرفي أسلوبه. وطبعا متنسيش تسألي القريبين منك وخصوصا المهتمين بالموضة والجديد فيها. كل ده هيديكي صورة شبه كاملة عن الموضوع وهيخليكي تعرفي أنتي محتاجة إيه. 

٣- إعرفي ليه:

يمكن يكون التغيير اللي هيحصلك كامل وجذري، فلازم يكون للأسباب الصح. ده معناه إن أي ستايليست ممكن يغيرلك شكلك تماما، بس المهم هيعمل حاجة شبهك ولايقة عليكي؟ وهل اللي اتغير كنتي فعلا محتاجاه؟ الستايليست المثالي ليكي، هو اللي هيغير ويدي النصيحة لسبب، يبقى عارف بيعمل إيه وليه، مش بيغير وخلاص. ساعات بيبقى كل اللي أنتي محتاجاه تغيير بسيط وشكل طبيعي أكتر من غير شغل كتير. 

٤- اعرفي اللي قدامك:

قبل ما تسلمي برأي الستايليست وتسمعي كلامه، اتأكدي إنك دورتي كويس وشوفتي كل الاختيارات اللي قدامك والشخص ده أفضل حد بالنسبالك. وارجعي اتفرجي تاني على شغله واتأكدي إنه عاجبك. بعد كده، هتحتاجي تتكلمي معاه أكتر. تعرفي الشخص اللي قدامك بيفكر إزاي وتعرّفيه أنتي مين، بتحبي إيه ومبتحبيش إيه، شخصيتك مهتمة بإيه وهكذا. ده اللي هيخليكي تتأكدي إذا الشخص ده هيفيدك ويضيفلك فعلا ولا لأ.

٥- بتشتري إزاي؟

أخيرا وليس آخرا، لازم أي عروسة تنزل تشتري مع الستايليست بتاعها هدوم قبل ما تقرر إنه المناسب. خليه يشوفك إزاي بتشتري، إيه اللي بيلفت نظرك، إيه اللي بيخليكي تقرري تشتري أصلا. وشوفي عالم الموضة والشوبينج بعينيه، شوفي هو كشخص - فاهم في الناس وأذواقهم - إزاي بيختار. الدنيا بعيون شخص شغلته يخلي شكلك وإحساسك بنفسك أحلى وأكيد مختلفة. 

 

مش لازم تكوني فنانة ولا نجمة علشان يبقالك ستايليست، إنتي العروسة، حتى نجمات السينما بيحلموا باليوم ده. ودلوقتي الوقت الأنسب ليكي علشان تختاري الستايليست لفستان فرحك. 

خلينا ناخد خطوة لورا، ونقولك الأول "الستايليست" بيعمل إيه.. وإيه الفرق بينه وبين مصمم فستان الفرح؟.

الستايليست ببساطة هيقولك إيه يليق على إيه، إيه اللون المناسب لدرجة بشرتك، إيه الاكسسوارات اللي تليق مع ستايل لبسك وشغلك وحياتك وشخصيتك. تعرفي حتى إن بُرجك يقدر يساعدك تختاري نوع المجوهرات والإكسسوار اللي يليق معاكي ويقولك إيه رسمة الحجر أو قصة الألماس اللي شبهك. غير إن الستايليست هو المسؤول عن الألوان بكل أشكالها، في شعرك، لبسك، طرحتك، فستان فرحك وإزاي تكون كل التفاصيل ماشية مع ألوان الديكور. هو عامل زي شخص بيسلمك كتالوج كامل عن نفسك، عن إيه اللي يبقى أحلى حاجة عليكي وإيه اللي ينورك ويبقى شبه شخصيتك وروحك، واللي على أساسه هتعرفي تختاري فيما بعد كل تفاصيل الفرح. وبما إننا ذكرنا الحدث ده، فالستايليست كمان يقدر يساعدك في إن بدلة عريسك تمشي مع فستانك، وفي إيه الورد المناسب لفرحك وألوانه وحتى فساتين أصحابك القريبين. هو كمان ممكن يساعد المصور في تصميم أفكار صور الفرح ويقولك تلبسي إيه في شهر العسل، عشان تطلعي بأحلى صورة ممكنة. 

وفي اللي جاي، هنقولك على الخطوات اللي تساعدك تختاري الستايليست بتاعك. 

١- ده لنفسك مش للفرح:

دايما إدي لنفسك وقت تجربي قبل ما تغيري الستايل أو تجددي فيه فجأة. وخدي وقتك قبل الفرح بفترة طويلة، لأن كلام الستايليست بتاعك هو اللي هيساعدك في كل خطواتك اللي بعد كده. إبدأي علشان نفسك مش علشان الفرح وخلاص، وجربي الجديد عليكي هيبقى شكله إيه. خدي نصيحة الستايليست ونفذيها الأول في حياتك اليومية وشوفي هتحسي إيه، اسألي اللي حوليكي شايفينك إزاي واسمعي منهم، واعرفي من القريبين الستايل ده لايق عليكي ولا لأ. إذا كل ده كان شبه بعضه وفي سكة واحدة، يبقى أنتي اختارتي الستايليست الصح. 

٢- واحدة واحدة:

خدي الموضوع خطوة خطوة، براحة ومتغيريش كل حاجة مرة واحدة. اتفرجي الأول على النجوم واللي بيعجبك ستايلهم، وبعدين قلبي في السوشيال ميديا عندك على الناس اللي يتحبي ذوقهم ولبسهم. بعد كده، حددي بحثك أكتر بالمكان والبلد والأقرب والمناسب ليكي، وابدأي اتفرجي على السوشيال ميديا بتاعة كل ستايليست واعرفي أسلوبه. وطبعا متنسيش تسألي القريبين منك وخصوصا المهتمين بالموضة والجديد فيها. كل ده هيديكي صورة شبه كاملة عن الموضوع وهيخليكي تعرفي أنتي محتاجة إيه.