إزاي تجيب هدية وتعجبها كمان؟!

إختيار الهدية لحبيبتك مسألة حياة أو موت!

Large

مفيش حد ما بيتكعبلش في حفرة إختيار الهدية المناسبة لشريك حياته، وخصوصا الرجالة!، أيوا للأسف الراجل عنده موهبة فائقة في عدم قدرته على إختيار الهدية الصح لحبيبته وعروسته..

وده يخلينا نتسائل إزاي تعرف تجيب الهدية المناسبة؟:

اختيار الراجل هدية العروس مهمة صعبة لأن شكل الاختيارات كثيرة، ومش عارف يبدأ منين ولا يجيب إيه وعلشان كده إحنا هنساعدك تعرف تجيب إيه وإمتى، مش هتضطر تلف حوالين نفسك كل ما تيجي مناسبة مهمة، ولا تشتري هدية وتطلع في الآخر الاختيار السيء بالنسبة لها، "مفاجئة يا حبيبتي جبتلك حلة جديدة!".

كل هدية ليها حكاية وكل هدية بنجيبها لمناسبة معينة ليها حكاية تانية خالص.. وعلشان كده يا صديقنا إحتمال تلاقي نفسك في وسط مسألة حياة أو موت! ما تقلقش إحنا هنديك شوية معلومات بسيطة تساعدك تختار أحسن هدية لكل مناسبة حلوة تقضوها سوا.. طلعوا الأقلام والكراسات عشان الواجب!

تصوير:رامي مزيكا

مجموعة كاملة من منتجات العناية بالشعر والبشرة:

الحقيقة هي أن الستات عمرها ما بتزهق من منتجات العناية سواء للبشرة أوللشعر ممكن تجيب مجموعة كاملة من أكتر منتجات العناية اللي بتحبها وعمرها ما هتزهق منهم أبدا!، المعلومة المهمة في النقطة دي هي إن إهتمام أي واحدة بنفسها بينعكس على نفسيتها وفي نفس الوقت بيبسطها ويخليها تشعر بجمالها.. هدية زي ديه ممكن تديها الشعور بالدلع وهتخليها تحس بإهتمامك للحاجات اللي بتحبها. 

يوم في الـ spa:

أي واحدة بيبقي نفسها في شوية وقت لنفسها للإسترخاء عشان تخفف شوية من الضغوط اليومية اللي عليها.. في النقطة دي مش هتلاقي أحسن من يوم حلو كده تقضيه في spa ،أحسن طريقة توريها أنك بتحب تدلعها بكل الطرق.

سبا: Steigenberger Alcazar  

الهدايا الشخصية:

الهدايا دي محتاجة إنك تعمل الواجب بتاعك، واللي بيتضح فيه الجهد الكبير اللي انت بذلته. اختيارهدية لحد بتحبه ليها علاقة بذكرى جميلة ما بينكوا حاجة ممكن تكون رومانسية جدا، زي كولاج من صوركم مع بعض، سلسلة عليها تاريخ ليه أهمية كبيرة بالنسبالكم, أو كتابة رسالة حب بخط الإيد.. غير طبعا الهدايا اللي ليها علاقة قوية بأي حاجة بتحبها زي مثلا لو بتحب التصوير ممكن تجيبلها كاميرا للمبتدئين عشان تشجعها تنمي مواهبها.. الهدية الشخصية بيبقى ليها معنى جميل ومختلف عن أي هدية تانية وفرصة برضه تحس بإهتمامك وحبك ليها. 

أجازة رومانسية:

لازم كل فترة إنتوا الأتنين تاخدوا أجازة وتسافروا مع بعض عشان تقضوا وقت رومانسي لوحدكم بعيد عن كل الضغوط والواجبات الحياتية.. مش محتاجين أكيد نشرح أهمية أجازة زي دي ليكم، ممكن تفاجئها مرة بسفرية حلوة بس أكيد لازم تخططلها كويس من قبلها عشان ما تطلعش مقلب!

عشاء رومانسي:

ياسلام بقى لوأخدتها أكتر مطعم بتحبه عشان تحتفل بعيد ميلادها وجيبتلها الهدية "الصح" اللي نفسها فيها، هتكون عملت أحلى كومبو!، والأحلى كمان لو بتعرف تطبخ حلو وجهزت عشاء مفاجئة في البيت وضيفت عليهم الورود والشموع وأكيد الهدية (أهم حاجة دي)، ساعتها هتسيبك بقى من أي مطعم حتى لو أحسن مطعم في البلد!

تصوير: Chronicles Studios 

إكسسوارات:

ما تنخدعش لو الإكسسوارات دايما بتبقى على أول قائمة الهدايا لأي واحدة، الموضوع عمره ما بيبقى بالبساطة دي! هل إختيارك بيقول أنك مهتم بذوقها ولا اخترت أي حاجة شوفتها قدامك والسلام؟! ياه بقى لو فصلت حاجة مخصوص علشانها! كلها تفاصيل مهمة لازم تاخد بالك منها!

تصميم: دينا مراد

برفان:

ولا سحر ولا شعوذة! حقيقي إن البرفانات إختيار متوقع زي الدباديب وعلب الشوكولاته بالظبط.. لكن اللي بيخلينا نختار الهدية دي دايما عشان هي مرتبطة بالحواس بشكل واضح وصريح، بمعنى أن الروايح المميزة ممكن تفكرنا بأشخاص، مواقف وذكرايات مختلفة.. 

كتاب شعر أو رواية رومانسية:

أكيد إختيارك للكتاب هيبقى على أساس ذوقها، كتب الشعر والروايات ممكن يبقوا هدايا جميلة لو فيه وراهم قصة أو معنى محدد عايز توصله، أو ممكن يبقى كتاب نفسك تشاركه معاها، وممكن برضه يبقى كتاب مرتبط  بذكرى ليكم سوا أو له معاني مرتبطة بعلاقتكم ببعض.

ورد: 

حاجة متوقعة ومهروسة بشكل فظيع مش كده؟! أيوه يا فندم حقيقي جدا، لكن برضه هيفضل للورد رونقه الخاص من ضمن كل الهداية اللي ممكن تجيبها! حتى لو بتقولك ماليش في الورد أول ما تجيبه هتشوف واحدة تانية قدامك! الورد له معاني جميلة وما تنساش أنه حاجة من الطبيعة بعيد عن أي شيء مادي.. هدية معنوية بشكل واضح وممكن تقدمهولها في أي مناسبة أو من غير مناسبة كمان..

 

ورد فليرتيشن

أهم من كل الهداية دي هو إنك تهتم بالجزء الشخصي والمعنوي  اللي ورا كل مناسبة وهدية بتجيبها عشان يبقى ليها طعم ومعنى مش مجرد حاجة بتشتريها وخلاص، حاول تعمل ده بحب ومشاعر حقيقية واستمتع باختيارك للهدية، وماتنساش تهتم بالتفاصيل واهتمامك يكون ظاهر بشكل جميل. 

 

مفيش حد ما بيتكعبلش في حفرة إختيار الهدية المناسبة لشريك حياته، وخصوصا الرجالة!، أيوة للأسف الراجل عنده موهبة فائقة في عدم قدرته على إختيار الهدية الصح لحبيبته..

وده يخلينا نتسائل إزاي تعرف تجيب الهدية المناسبة؟:

اختيار الراجل هدية لشريكة حياته مهمة صعبة لأن شكل الاختيارات كثيرة، ومش عارف يبدأ منين ولا يجيب إيه وعلشان كده إحنا هنساعدك تعرف تجيب إيه وإمتى، مش هتضطر تلف حوالين نفسك كل ما تيجي مناسبة مهمة، ولا تشتري هدية وتطلع في الآخر الاختيار السيء بالنسبة لها، "مفاجئة يا حبيبتي جبتلك حلة جديدة!".

كل هدية ليها حكاية وكل هدية بنجيبها لمناسبة معينة ليها حكاية تانية خالص.. وعلشان كده يا صديقنا إحتمال تلاقي نفسك في وسط مسألة حياة أو موت! ما تقلقش إحنا هنديك شوية معلومات بسيطة تساعدك تختار أحسن هدية لكل مناسبة حلوة تقضوها سوا.. طلعوا الأقلام والكراسات عشان الواجب!