إتيكيت الفرح حاجات مهمه لازم تعمليها.. لا كبيرة على الحاجات دي

Large

لو عندك فرح قريب يبقى لازم تعرفى القواعد بتاعة الإتيكيت، عشان متسببيش أى قلق للعرسان فى يومهم المهم أو تخليهم مش مرتاحين... أنتى فى الفرح عشان تحتفلى وتتبسطى معاهم، عشان كده مهم تحطى نفسك مكانهم ومتعمليش أى حاجه تضايقهم، يعنى هيكون إحساسك إيه لو حد محترمش الـDress code إلى انتى عاملاه فى فرحك وجه لابس هدوم لونها مختلف عن إلى أنتى حددتيه للمعازيم! وكمان متفتكريش إن حتى التفاصيل الصغيرة زى إنك تجيبى معاك حد زيادة زى حد من ولادك مش هتفرق كتير، بالعكس أى حاجه هتخالفى بيها الاتيكيت هتضايق العرسان فى فرحهم، وتخليهم مش مبسوطين.

هنقولك على أهم قواعد إتيكيت الفرح إللى لازم تاخدى بالك منها لما تيجى تحضرى أى فرح:

متخالفيش الـ dress code:

مش مهم الـ dress code شكله إيه.. إلبسيه وخلاص!  لو شايفه إنها تفصيلة صغيرة ومحدش هيهتم، بالعكس، هى حاجه مهمه أوى، ودليل على إنك بتحترمى العرسان وفرحهم والقواعد إلى حطوها.

Wedding Etiquette_اتيكيت الفرح

إقرا أكتر: لبس الفرح للمعازيم: 7 حاجات ما تتلبسش في أي حفلة زفاف!

ما تجيش بدرى ولا متأخر:

التأخير عموما بيدى انطباع على إنك مبتحترميش غيرك، وخصوصا في الأفراح. لأنها بتكون متنظمه بطريقة معينه وليها برنامج ، فلو جيتى الفرح متأخر هتبوظيه، وكمان لو جيتى بدرى عن معاد الفرح هتبقى حاجه مش لطيفة عشان هتشوفى اللخبطة الى قبل الفرح علطول وأكيد العرسان مش هيحبو حد يشوف الأوقات دى، معاد الفرح ليه معاد معين ولازم تلتزمى بيه.

إبعتى هدية:

زى أي مناسبة تانيه، الأفراح بتجيبى فيها هدية للعرسان حتى لو مش هتحضرى الفرح! ولو مش هتبعتى هدية يبقى الأشيك إنك تباركيلهم بأى طريقة تانية، بس طبعا مفيش حاجه تغنى عن هدية بتعبر عن حبك ليهم.

Wedding Etiquette_اتيكيت الفرح

متخطفيش الأضواء من العرسان:

الأفراح مش مكان مناسب تقولى فيه أخبارك الجديدة، لو كنتى حامل، متقوليش لأصحابك أو عيلتك فى الفرح إلى بتحضريه، عشان كده بتخطفى الاضواء من العرسان وبتخلى المعازيم يهتموا بحاجه تانيه غير فرحهم ولبسهم وشكلهم.