ألف مبروك يا عريس .. عروستك مجنونه!

مين هي عروستك، وليه بتتصرف كده، وازاى تقدر تتعامل معاها؟

Large

إذا العنوان شدك وقررت تقرا الموضوع، يبقى أنت على الأغلب عريس وبتجهز للفرح وعروستك ضاغطة عليك وعايش معاها في حالة من التوتر. عروستك عايشة حالة  "Bridezilla" أو "العروسة المجنونة"! تقريبا رأيك مش موجود في اختيارات فرحك، وفي نفس الوقت متهم بهروبك من واجباتك كعريس ومش مهتم بيها وبتطلب المثالية من كل اللي حواليها!

إحنا حاسين قد إيه أنت مضغوط وعلى وشك الانفجار من تصرفاتها، ومتفهمين لحالتك جدا ومش هنسيبك كدة، هنساعدك من دلوقتي لحد ما الجواز يتم على خير.

أولا ألف مبروك عروستك المجنونة! لازم تعرف إن دي مش أسوأ حاجه ممكن تحصلك قبل الفرح، وهنقولك مين هي عروستك، وليه بتتصرف كده، وإزاي تتعامل معاها من غير ما تتجنن أو لا قدر الله الفرح يتفركش.

- مين هي العروسة المجنونة أو الـ"Bridezilla"؟

الغرب بيسموا حالة عروستك "bridezilla"، ملهاش ترجمة  عندنا بس هتلاقيها بتوصف عروستك. هي عروسة مسيطرة وبتيدك أوامر على طول، وتقولك اعمل كذا وميعجبهاش فترجع تعمله بنفسها. دايما مهتمة بالتفاصيل الصغيرة جدا زي نوع الجبن في بوفيه الفرح، نوع وموديل عربية الفرح وحاجات تانية ممكن مش مؤثرة بالصورة. أكيد أكتر حاجه ممكن تضايقك إنها وخداك لف من محل لمحل وبعدها تتهمك إنك شايل إيدك من تحضيرات الفرح! متقلقش كل ده طبيعي جدا وله أسباب قوية بالنسبة لها.

- ليه عروستك متجننة بالشكل ده؟ هما سببين ملهمش تالت.

1- المجتمع:

مجتمعنا الشرقي بيفرض علينا قواعد وقوالب لازم نمشي وراها وفيها. مثلا زي إن العريس عليه معظم تكاليف الفرح فطبيعي أنه يتعامل كبنك متنقل وإن تحضيرات الفرح دي حاجات تخص العروسة.

2- هي مولوده كدة:

حلم الفستان الأبيض حلم كل بنت من وهي صغيرة، الحلم ده بيكبر مع بعض من البنات، ومعاملة البنت كملكة من وهي صغيرة، وده أمر طبيعي، لكنها دايما متوقعة المثالية من اللي قدامها، وهتلاقيها بتتصرف على الأساس ده من زمان فما بالك وهي بتجوز. بتتصرف كإن فرحها مهمة رسمية مستحيل يحصل فيه أي عقبات أو مشاكل ولو حست إن حد ممكن يبوظ تحضيراتها ممكن تقتله!

- إزاي تتعامل مع عروستك المجنونة؟

دلوقتي مش مهم مين وايه وصلها لكده بلاش تركز في الكلام ده كتير، في النهاية وصلنا للمرحله دي، النقطة دلوقتي إزاي تقدر تتعامل معاها لحد الفرح.

- اعمل زي ما زاك عمل:

زاك بارون كتب مقاله بيحكي فيها تجربته وبيقول إنه هو كان العروسة لإن عروسته مكنتش مهتمة بتحضيرات الفرح اللي كل البنات بتهتم بيها وبتعملها. مش بنقول تعمل زي ما هو عمل حرفيا بس حط نفسك مكانه أو بمعنى أصح مكان عروستك، علشان تفهم هي حاسة بإيه و بتمر بإيه، وإيه سبب التوتر والإنفعالات دي كلها.

عايز تعرف زاك عمل ايه بضبط وليه قال إن هو العروسه؟  اضغط هنا.

- جهز نفسك للمعركة:

 الجيش قالك "اتصرف!"؟ لازم تكون جاهز دايما وتتصرف، مثلا واقفين في محل تستلموا السيراميك وهي كانت طالبه حاجه متعملتش، لازم تعمل حسابك أنها ممكن تبهدل الدنيا، لازم تعرف إزاي تهديها وتلاقي لها حل.

- إنت الجمهور

دايما العرايس بتشتكي من عرسانهم، بالذات قبل الفرح "مش بيسمع كلمة من اللي بقولها!" "بتكلم من هنا وهو بيسرح أو بيمسك موبايله من هنا!"، كل ده للأسف صح، إحنا فاهمين إن ممكن كلامها يكون تافه بالنسبه ليك أو مش من اهتماماتك تماما، اعتبر نفسك بتتفرج على فيلم، ركز معاها وهي بتحكي أو بتاخد رأيك في حاجة،  خليك واثق إن استماعك ليها ممكن يهديها، يبسطها ويغير كثير من علاقتكم.

- عزومة مركبية

اضحك عليها واعزم عزومة مركبية، مثلا وهي رايحة تشتري لبس قولها لو حابة آجي معاكي، أو قولها هعملك المشوار ده، الاحتمال الأكبر أنها ما توافقش بس هتتحسب لك عندها.

- أخر وأهم حاجة الحب، الحب، الحب

هو ممكن يكون كلام أفلام، بس هو حقيقي إن الحب بيغير، حبها إنك تسمع لها، شاركها وخليها تشاركك، إضحك واتخانق معاها، حبها بأي طريقة بس المهم أنك تحبها كل يوم يا عريس.

إذا العنوان شدك وقررت تقرا الموضوع، يبقى أنت على الأغلب عريس وبتجهز للفرح وعروستك ضاغطة عليك وعايش معاها في حالة من التوتر. عروستك عايشة حالة  "Bridezilla" أو "العروسة المجنونة"! تقريبا رأيك مش موجود في اختيارات فرحك، وفي نفس الوقت متهم بهروبك من واجباتك كعريس ومش مهتم بيها وبتطلب المثالية من كل اللي حواليها!

إحنا حاسين قد إيه أنت مضغوط وعلى وشك الانفجار من تصرفاتها، ومتفهمين لحالتك جدا ومش هنسيبك كدة، هنساعدك من دلوقتي لحد ما الجواز يتم على خير.

أولا ألف مبروك عروستك المجنونة! لازم تعرف إن دي مش أسوأ حاجه ممكن تحصلك قبل الفرح، وهنقولك مين هي عروستك، وليه بتتصرف كده، وإزاي تتعامل معاها من غير ما تتجنن أو لا قدر الله الفرح يتفركش.

- مين هي العروسة المجنونة أو الـ"Bridezilla"؟

الغرب بيسموا حالة عروستك "bridezilla"، ملهاش ترجمة  عندنا بس هتلاقيها بتوصف عروستك. هي عروسة مسيطرة وبتيدك أوامر على طول، وتقولك اعمل كذا وميعجبهاش فترجع تعمله بنفسها. دايما مهتمة بالتفاصيل الصغيرة جدا زي نوع الجبن في بوفيه الفرح، نوع وموديل عربية الفرح وحاجات تانية ممكن مش مؤثرة بالصورة. أكيد أكتر حاجه ممكن تضايقك إنها وخداك لف من محل لمحل وبعدها تتهمك إنك شايل إيدك من تحضيرات الفرح! متقلقش كل ده طبيعي جدا وله أسباب قوية بالنسبة لها.

- ليه عروستك متجننة بالشكل ده؟ هما سببين ملهمش تالت.

1- المجتمع:

مجتمعنا الشرقي بيفرض علينا قواعد وقوالب لازم نمشي وراها وفيها. مثلا زي إن العريس عليه معظم تكاليف الفرح فطبيعي أنه يتعامل كبنك متنقل وإن تحضيرات الفرح دي حاجات تخص العروسة.

2- هي مولوده كدة:

حلم الفستان الأبيض حلم كل بنت من وهي صغيرة، الحلم ده بيكبر مع بعض من البنات، ومعاملة البنت كملكة من وهي صغيرة، وده أمر طبيعي، لكنها دايما متوقعة المثالية من اللي قدامها، وهتلاقيها بتتصرف على الأساس ده من زمان فما بالك وهي بتجوز. بتتصرف كإن فرحها مهمة رسمية مستحيل يحصل فيه أي عقبات أو مشاكل ولو حست إن حد ممكن يبوظ تحضيراتها ممكن تقتله!

- إزاي تتعامل مع عروستك المجنونة؟

دلوقتي مش مهم مين وايه وصلها لكده بلاش تركز في الكلام ده كتير، في النهاية وصلنا للمرحله دي، النقطة دلوقتي إزاي تقدر تتعامل معاها لحد الفرح.

- اعمل زي ما زاك عمل:

زاك بارون كتب مقاله بيحكي فيها تجربته وبيقول إنه هو كان العروسة لإن عروسته مكنتش مهتمة بتحضيرات الفرح اللي كل البنات بتهتم بيها وبتعملها. مش بنقول تعمل زي ما هو عمل حرفيا بس حط نفسك مكانه أو بمعنى أصح مكان عروستك، علشان تفهم هي حاسة بإيه و بتمر بإيه، وإيه سبب التوتر والإنفعالات دي كلها.

عايز تعرف زاك عمل ايه بضبط وليه قال إن هو العروسه؟  اضغط هنا.

- جهز نفسك للمعركة:

 الجيش قالك "اتصرف!"؟ لازم تكون جاهز دايما وتتصرف، مثلا واقفين في محل تستلموا السيراميك وهي كانت طالبه حاجه متعملتش، لازم تعمل حسابك أنها ممكن تبهدل الدنيا، لازم تعرف إزاي تهديها وتلاقي لها حل.

- إنت الجمهور

دايما العرايس بتشتكي من عرسانهم، بالذات قبل الفرح "مش بيسمع كلمة من اللي بقولها!" "بتكلم من هنا وهو بيسرح أو بيمسك موبايله من هنا!"، كل ده للأسف صح، إحنا فاهمين إن ممكن كلامها يكون تافه بالنسبه ليك أو مش من اهتماماتك تماما، اعتبر نفسك بتتفرج على فيلم، ركز معاها وهي بتحكي أو بتاخد رأيك في حاجة،  خليك واثق إن استماعك ليها ممكن يهديها، يبسطها ويغير كثير من علاقتكم.

- عزومة مركبية

اضحك عليها واعزم عزومة مركبية، مثلا وهي رايحة تشتري لبس قولها لو حابة آجي معاكي، أو قولها هعملك المشوار ده، الاحتمال الأكبر أنها ما توافقش بس هتتحسب لك عندها.

- أخر وأهم حاجة الحب، الحب، الحب

هو ممكن يكون كلام أفلام، بس هو حقيقي إن الحب بيغير، حبها إنك تسمع لها، شاركها وخليها تشاركك، إضحك واتخانق معاها، حبها بأي طريقة بس المهم أنك تحبها كل يوم يا عريس.

الترتيب لفرحك أسهل كتير مع Weds360. لأننا عارفين إيه المهم، تقدر تعتمد علينا في كل تفصيلة.

Tools website

موقع الفرح

ده المكان اللي هتحتفظ فيه بكل الأوقات الحلوة وكل صور الفرح للأبد وتتحكم في كل التفاصيل. وهتقدر تختار تصميمه، وتخلي المعازيم يبعتولك عليه الصور والفيديوهات واللحظات المميزة في فرحك. اختار موقع الفرح
Tools budgeter

تكاليف الفرح

لو محدد الرقم اللي هتصرفه في الفرح، هنساعدك هنا تعرف تستغله صح وترتب التكاليف صح. اتحكم في فلوس فرحك
Tools checklist

جدول المهام

حدد الحاجات اللي وراك، اعمل لنفسك جدول بالمهم منها وبأولوياتك في تنظيم الفرح علشان متنساش حاجة. ابدأ من هنا
Tools guestlist

المعازيم

مين اللي جاي الفرح؟ ومين اللي لازم تأكد عليه؟ ومين اعتذر؟ كلها حاجات هتقدر تنظمها، تتحكم فيها وتبعت دعوات فرح مخصصة لكل مجموعة. ابدأ من هنا
Tools vendors

متخصصين الفرح

اعرف أكتر عن متخصصين الأفراح في كل المجالات وشوف شغلهم واختار الأفضل ليك ولفرحك. ابدأ من هنا
Tools registry

هدايا الفرح

جمع كل هدية نفسك فيها، كل محل بتحبه في مكان واحد، وساعد المعازيم يختاروا هدية الجواز من غير مواقف محرجة أو تكرار للهدايا. ابدأ من هنا
× Logo
Weds360
Mobile App
Install now