أفكار هدايا هاند ميد لأكتر شخص بتحبه

Large

مفيش وقت معين للهدايا، خصوصا لو عايش قصة حب، سواء أعياد ميلاد أو مناسبات سنوية، وممكن كمان من غير مناسبة. إنك تهدي هدية للى بتحبه هى أفضل طريقة تسعده بيها. بس دايما السؤال الصعب "إيه هي الهدية!" ده الى خلانا نعمل لسته فيها شوية أفكار لهدايا رومانسية ومميزة هاند ميد تعملها مخصوص للى بتحبه.

 الشموع

The Guestbook

دايما الشموع بتغير الموود للأحسن، سواء بتغيير ريحة المكان علشان تهدي الأعصاب، أو لتهيئة المكان لحالة رومانسية. هدايا الشموع معروفة بإنها هدية الأمان في المنطقة الخطرة، وده لإنها معاناة علشان تشتري هدية. طب ليه متاخدش خطوة كمان وتعملها بنفسك، وهتبقى هدية مخصوص للي بتحبه، وتضيف عليها لمسة خاصة بالشخص الى هتهاديه بيها، وممكن تختار عطر من العطور الى بتحبها. والأفضل إنها تكون ملونة بشكل شيك.

إقرا أكتر: 23 فكرة لهدايا الفرح المعازيم تستخدمها

إسورة مخصوص: 

JB Jewelry Box

الأساور الى متزينة بالخرز بقى موضة قديمة شوية وكلنا اتعودنا عليه، وعشان تخلي الهدية مميزة تظهر بيها حبك للشخص الى هتهاديه بيها. ممكن تعمل تصميم حلو تحط عليه رسايل لطيفه. الطريقة مش أكتر من بداية، لإنك ممكن تبدع أكتر وتعمل طقم كامل، أوممكن تعمل جنبها حاجات مختلفة زى السلاسل أو ميداليات المفاتيح أو حتى سلاسل النضارات.

الميمورى بوك

The Guestbook

لو بتدور على هديه رومانسية اكتر من الشموع والأساور الهاند ميد، يبقي الميموري بوك هو الاختيار الأنسب! لإن ده هتحتفظوا بالذكريات فيه، وتتفرجوا عليها مع بعض، ولو إنت بعيد هتلاقي الفرصة إنك تتفرج عليه لوحدك وتفتكر كل اللحظات الحلوة. والأجمل إن ممكن تحط  فيه أي تفصيله بتعبر عن ذكرياتكم ، من أول تذاكر السينما فى أول مرة تروحوها سوا، لغاية كروت المعايدات الى كنتو بتبعتوها لبعض، ومش محتاج مجهود لو وقت كبير.

نرجع للأساسيات

Flower Power

لو انت مش مهتم بكل الهدايا الهاند ميد الى قلنالك عليها، أو  شايف إن مفيش حاجة منهم تنفع هدية لحد بتحبه، عندنا ليك حل مناسب لو لسه متردد فى الاختيار، وهى إنك تعمل الحاجات الأساسية الى مش محتاجة مجهود وبسيطة وفى نفس الوقت رومانسية، زى الكروت الى ممكن تكتب فيها كلام يعبر عن حبك ومعاهم طبعا بوكيه ورد جميل، ودى أبسط وأفضل هدية تنفع لكل الكابلز  وفى كل الاوقات، عشان مفيش حاجه هتقول قد إيه أنت بتحب حد زى بوكيه الورد الأحمر .

مفيش وقت معين للهدايا، خصوصا لو عايش قصة حب، سواء أعياد ميلاد أو مناسبات سنوية، وممكن كمان من غير مناسبة. إنك تهدي هدية للى بتحبه هى أفضل طريقة تسعده بيها. بس دايما السؤال الصعب "إيه هي الهدية!" ده الى خلانا نعمل لسته فيها شوية أفكار لهدايا رومانسية ومميزة هاند ميد تعملها مخصوص للى بتحبه.

 الشموع