أفضل 5 نصائح للعروسة قبل الفرح بيوم واحد

Large

 قبل الفرح بيوم لازم تهيأي نفسك وحالتك الذهنية والصحية ليوم الفرح، ولازم ده يكون على رأس أولوياتك كعروسة. لو عاوزة توصلي للحالة دي، لازم يكون نابع من جواكي، إزاي توصلي ليها؟ ويا ترى هل في أسرار للوصول لحالة الراحة النفسية والذهنية؟.

أه في أسرار، لكنها مش صعبة، وهنعرفها في 5 نصائح للعروسة قبل الفرح بيوم واحد بتنصح بيها خبيرة التغذية الأمريكية كيمبرلي شنيدر: 

1- النوم الهاديء:

علشان توصلي لراحة نفسية وذهنية لازم تنامي كويس، ويعني تروحي في النوم بدون تفكير، علشان توصلي لمرحلة النوم الهاديء، لازم تبعدي عن الموبايل واللاب توب وكل الإلكترونيات قبل النوم بساعة كاملة، وتاكلي وجبة خفيفة قبل 3 لـ 4 ساعات من النوم، ولو شعرتي بعدم الراحة ممكن تنقطي على الوسادة شوية من زيت اللافندر، هيساعدك على الاسترخاء والنوم.

2- الليمون والمية:

الليمون مع المية، ليهم مفعول السحر في الاسترخاء، بيساعدوا على الراحة، خصوصا لو عندك مشكلة في الهضم وانتفاخ البطن، كوب مية دافية مع شرائح الليمون الصبح، واستمري عليها على مدار اليوم، هيساعدك على هدوء الأعصاب وعدم التوتر.

اقرأ أكتر: 7 خطوات هتساعد كل عروسة وعريس على نوم هادي ليلة الفرح

3- ابعدي عن الإزعاج وحسني مزاجك: 

أفضل الطرق للابتعاد عن الإزعاج وتحسين المزاج هي الرياضة، خاصة أنها بتساعد على التخلص من الطاقة السلبية والتوتر، ولو الأجواء مش سامحة إنك تروحي الجيم، ممكن تعملي جلسة استرخاء في غرفتك لمدة نص ساعة، شغلي موسيقى هادية وغمضي عينك.

4- مساج أو حمام دافيء:

مش كل بنت عندها المساحة أو القيمة المادية للحصول على جلسة مساج، وفي حالة أنه متاح يبقى أفضل، لكن في حالة عدم توافر الفلوس، ممكن تملي البانيو ماء دافيء وتحطي فيه زيت جوز الهند وتدلكي جسمك كله بشكل دائري اتجاه القلب، وبعدين تاخدي الدش بشكل عادي.

5- الأكل: 

الابتعاد تماما عن الأكلات الثقيلة، والوجبات السريعة، تناول الوجبات الخفيفة وشوربة الخضار والسلطة، كلي فاكهة وخصوصا اللي بتحبيها، خللي أكلك صحي على الأقل الفترة دي علشان تصحي تاني يوم وإنتي في حالة ذهنية ونفسية صحية.

 

 قبل الفرح بيوم لازم تهيأي نفسك وحالتك الذهنية والصحية ليوم الفرح، ولازم ده يكون على رأس أولوياتك كعروسة. لو عاوزة توصلي للحالة دي، لازم يكون نابع من جواكي، إزاي توصلي ليها؟ ويا ترى هل في أسرار للوصول لحالة الراحة النفسية والذهنية؟.

أه في أسرار، لكنها مش صعبة، وهنعرفها في 5 نصائح للعروسة قبل الفرح بيوم واحد بتنصح بيها خبيرة التغذية الأمريكية كيمبرلي شنيدر: 

1- النوم الهاديء:

علشان توصلي لراحة نفسية وذهنية لازم تنامي كويس، ويعني تروحي في النوم بدون تفكير، علشان توصلي لمرحلة النوم الهاديء، لازم تبعدي عن الموبايل واللاب توب وكل الإلكترونيات قبل النوم بساعة كاملة، وتاكلي وجبة خفيفة قبل 3 لـ 4 ساعات من النوم، ولو شعرتي بعدم الراحة ممكن تنقطي على الوسادة شوية من زيت اللافندر، هيساعدك على الاسترخاء والنوم.