أسهل طريقة تقللي بها عدد المعازيم في الفرح ومتحسيش بالذنب

الواقعية وقاعدة السنة الواحدة أسهل الخطوات

Large

مفيش أصعب من إنك تبقي في حيرة إزاي أقلل عدد المعازيم في الفرح؟، ورغم إن خلاص كتبتي القائمة، لكن العدد لسة أكبر من المفروض يكون في القاعة.

وهي دي الحيرة هتشيلي مين وهتبقي على مين في قائمة المعازيم، قبل ما تدخلي في حالة من التوتر والعصبية، احنا هنساعدك مساعدة تخيلكي متحسيش بالذنب.

1- مفيش أجمل من الواقعية

الواقع بيقول أن مش ممكن تعزمي كل اللي تعرفيهم في فرحك، وبناء عليه لازم تختاري الأصدقاء والأقارب القريبين منك ومن أهل العريس بس.

شوفي أكتر: قبل الفرح بأسبوع: إزاي تختار الترابيزات للمعازيم وتنسى خناقات الأفراح؟

2- اختيار مكان الفرح

بناء على المكان اللي هتختاري تعملي فرحك فيه، هيتحدد عدد المعازيم، يعني مش هينفع تفكري إنك تعزمي 200 فرد والمكان لا يتسع لأكتر من 100 فرد. حددي عدد المعازيم بعد حجز المكان، وهنا اكتبي قائمة لأهل العريس وقائمة لأهل العروسة بالتساوي بينهم.

3- قاعدة السنة الواحد

دي بقى أجمل قاعدة في الأفراح، اللي بقالك سنة مفيش بينك وبينهم أي تواصل ممكن ما تعزمهومش، ومحدش يقدر يلومك. وإذا فكرتي في شخص معين عاوزة تعزمي افتكري آخر مرة حصل بينكم تواصل كان إمتى، لو سنة يبقى الأفضل يتم استبعاده من قائمة المعازيم.

4- الدعوة لفرد واحد 

طبعا زي ما احنا عارفين ناس كثيرة بتحب تصطحب حد معاها يسليها في الفرح، وده بالتأكيد بيزود عدد معازيم الفرح بشكل كبير، وعلشان تخرجي من المطب الصناعي ده، اكتبي في الدعوة إنها لفرد واحد.