أحسن تريندات الخطوبة لموسم الربيع!

Large

حفلة الخطوبة مش أقل من الفرح، ورغم إنها ما بتاخدش نفس الاهتمام، لكن بتفضل ذكرى جميلة لحد ما ييجى يوم الفرح، عشان كده لازم تخططلها كويس لأنها إعلان عن جوازك واحتفال ببداية رحلة جديدة مع شريك حياتك، مش ضرورى تكون حفلة كبيرة تخطف الأضواء من فرحك، لكن على الأقل لازم تكون ليلة ممتعة وجميلة! لو بدأت تخطط لخطوبتك أو تعرف حد هيتخطب، دى أحسن تريندات تخليها ما يتنسيش.

البون فاير

فكرة هايله خصوصا إن الجو لسه حلو وفيه نسمة هوا والوقوف جنب النار هيكون ممتع ومش مزعج، أجواء الخطوبة في الجنينة مع البون فاير لطيفة وبسيطة وهتقدر تاخذ صور بولارويد وتستمع بأكل المارشميلو اللذيذة، خصوصا لو عايز تعمل إيفينت صغير مع عيلتك وصحابك القريبين بس، البون فاير كمان طريقة جميلة تتواصل مع ضيوفك وتتكلم معاهم لأن كلهم هيكونوا حواليها.

إقرا أكتر: أفكار لفوتوسيشن الخطوبة مليانة بالحياة

الرووف 

Sara Bassiouni Wedding & Event planner

مفيش أحلى من خطوبة على الرووف، لأن المكان ده بيخلى أى إيفينت ممتع، خصوصا لو حابب تستمتع فى خطوبتك بالفيو الجميل والجو اللطيف ونسيم الربيع المبهج، والرووف أفضل اختيار في السيزون ده تحديدا لأن الجو مش حر جداً، ولا بارد جدًا، والشمس في أحسن حالاتها، وهتحس بالانتعاش في الضل.

مركب

رويال لي لي

لو بتخاف من الأماكن العالية، أو مش لاقى رووف بالتصميم المثالي إلى بتدور عليه، يبقى الأحسن تروح لمكان فيه بحر، طبعا عشان تعمل خطوبتك على مركب! الفكرة دى هايله لو بتحب المايه، ومش ناوى تعزم عدد كبير فى الخطوبة، ولو عايز كمان تستمتع بالشمس ونسيم الهوا البارد وسط البحر، ده غير إن الصور على المركب هي الأجمل دايماً، وعمومًا حفلة الخطوبة على مركب اختيار هايل لو معندكش تيمة معينة تعملها ونفسك تعيش أجواء المغامرة!

حفلة الخطوبة مش أقل من الفرح، ورغم إنها ما بتاخدش نفس الاهتمام، لكن بتفضل ذكرى جميلة لحد ما ييجى يوم الفرح، عشان كده لازم تخططلها كويس لأنها إعلان عن جوازك واحتفال ببداية رحلة جديدة مع شريك حياتك، مش ضرورى تكون حفلة كبيرة تخطف الأضواء من فرحك، لكن على الأقل لازم تكون ليلة ممتعة وجميلة! لو بدأت تخطط لخطوبتك أو تعرف حد هيتخطب، دى أحسن تريندات تخليها ما يتنسيش.

البون فاير