أحسن أماكن لشهر العسل برا مصر فى الشتا

Large

شهر العسل حاجه كل العرسان بيستنوها وبيبقوا متحمسين ليها، وهي أكتر حاجه بتعوضهم عن تعب تحضيرات الفرح الطويلة، وسواء كانوا بيفضلوا تكون رحلتهم فى مكان على البحر أو مكان فيه جبال ومناظر طبيعية مختلفة، فيه ألف مكان هايل تقضوا فيه أجازه جميلة وتحتفلوا بجوازكم سوا، عشان كده جهزنا لسته فيها كل الأماكن المثالية لمغامرة شهر العسل فى الشتا، برا وجوه مصر، ودى أوبشنز كتير هتخليكم تعيشوا تجربة جديدة مع بعض.

هاواي

دى أول أوبشن بنقترحه عليكم، وهى حرفيا فى الناحية التانيه من العالم، وده مش هزار، لأن هاواي مكانها في نفس الموقع قصاد القاهرة بس على الجنب التانى من الكرة الأرضية، وهى جميلة أوى وتستاهل الزيارة، وفيها أنشطة كتير تتعمل زى الأنشطة الجبلية الى ممكن تشاركوا بعض فيها، ده غير شط البحر الجميل والغابات الاستوائية، وهتلاقوا أكتر من حاجه ممتعة على الجزر الصغيرة بتاعتها، منها السرفينج والبانجى جمب، وكمان العلاجات الاستوائية والمساج المريح، وده بيخليها رقم واحد فى الليسته بتاعتنا خلال فصل الشتا.

أيسلندا

على عكس الشط الجميل والمناظر الاستوائية، أيسلندا أوبشن هايل لكل العرسان الى ما بيحبوش الرمل والمايه، وهتلاقوا فيها المناظر الطبيعية المتغطيه بالتلج ومشهد النورثرن لايتس المبهر، وطبعا البراكين النشطه كمان، وهى اختيار مناسب لو بتدوروا على حاجه جديدة ومختلفة، وممكن هناك تستمتعوا بأنشطة كتير زى الآيس سكى والسباحه في الينابيع الحارة بتاعة البركان، وفيه اختيارات تانيه ملهاش حصر، ده غير ان البرد هيخليكم دايما قريبين من بعض طول الرحلة.

إقرا أكتر: هتقضوا شهر العسل فين؟.. إعرفوا أحسن الأماكن في مصر

كروز

مش عارفين تختاروا مكان لرحلة لشهر العسل، أو نفسكم تجربوا كل الأماكن دى، وفى نفس الوقت تفضلوا في حدود الميزانية بتاعتكم؟ مفيش قدامكم حل غير الكروز! استمتعوا برحلة في البحر المتوسط ​​أو الكاريبي أو شرق آسيا، هتشوفوا أماكن كتير فى رحلتكم من غير ما تضطروا تحضروا شنطكم وترجعوا تفضوها مرة تانيه، كمان هتستمتعوا بالمايه والشمس من غير الشط، عشان فيه أنواع كتير مختلفة من الكروز هتخليكم تتبسطوا مع شريك حياتكم وهتلاقوا على السفينه كل وسائل الراحة الى محتاجينها عشان تسترخوا.

رحلة جوه مصر

مع إن السفر بره مصر ممكن يكون حاجه ممتعة أوى كل العرسان بيتمنوها، بس الرحلات الى جوه البلد كمان أوبشن لطيف وبأسعار معقولة، وفيه أماكن كتير متنوعة ممكن تروحوها في الشتا وهتبقى هايله لرحلة شهر العسل، زى الأقصر وأسوان وسيوة ومرسى علم وغيرهم كتير، وقبل ما تقرروا المكان الى هتسافروله، اسألوا نفسكم الأول، عايزينه يكون صحراوى ولا على البحر ولا فيه مناظر طبيعية خضرا وجميلة، وبناءً على ده حددوا الموقع، وهتلاقوا على البحر الأحمر مدن مختلفة بيرفيكت للاسترخاء على الشط في الشتا، ولو كنتوا حابين الصحرا بس، ففى أماكن حلوه زى سيوة والفيوم الى كمان جوهم حلو وفيهم مناظر طبيعيه تجنن.

شهر العسل حاجه كل العرسان بيستنوها وبيبقوا متحمسين ليها، وهي أكتر حاجه بتعوضهم عن تعب تحضيرات الفرح الطويلة، وسواء كانوا بيفضلوا تكون رحلتهم فى مكان على البحر أو مكان فيه جبال ومناظر طبيعية مختلفة، فيه ألف مكان هايل تقضوا فيه أجازه جميلة وتحتفلوا بجوازكم سوا، عشان كده جهزنا لسته فيها كل الأماكن المثالية لمغامرة شهر العسل فى الشتا، برا وجوه مصر، ودى أوبشنز كتير هتخليكم تعيشوا تجربة جديدة مع بعض.

هاواي

دى أول أوبشن بنقترحه عليكم، وهى حرفيا فى الناحية التانيه من العالم، وده مش هزار، لأن هاواي مكانها في نفس الموقع قصاد القاهرة بس على الجنب التانى من الكرة الأرضية، وهى جميلة أوى وتستاهل الزيارة، وفيها أنشطة كتير تتعمل زى الأنشطة الجبلية الى ممكن تشاركوا بعض فيها، ده غير شط البحر الجميل والغابات الاستوائية، وهتلاقوا أكتر من حاجه ممتعة على الجزر الصغيرة بتاعتها، منها السرفينج والبانجى جمب، وكمان العلاجات الاستوائية والمساج المريح، وده بيخليها رقم واحد فى الليسته بتاعتنا خلال فصل الشتا.

أيسلندا