أجمل فساتين فرح فى الأفلام.. موضتها ماشية لغاية دلوقتي!

Large

لما بنتفرج على فيلم رومانسى حلو، أو أي فيلم بيدور حوالين فرح، أكيد أول حاجة بنركز فيها ونقيمها هى فستان فرح بطلة الفيلم، لأن فساتين الفرح فى السينما بتكون بداية لتريند جديد فى الموضة بيفضل لسنين، وكمان بتبقى جزء من الثقافة الشعبية​​، وكل العرايس بترجع تختار منهم ليوم فرحها، عشان كده اخترنالك أجمل فساتين الفرح من أشهر الأفلام مش ممكن ننساها.

فيلم Funny Face 1957

مش غريب إن الممثلة أودري هيبورن كانت بداية لتريندات كتير شكلت الموضة والأناقة النهاردة وأثرت فيها، وفي فيلم Funny Face تحديدا، ظهرت بستايلات كتير مختلفة ومميزة، والفيلم كان عرض أزياء ممتع ضمن قصة وأحداث جميلة، عشان كده كان لازم نفضل فاكرين فستان الفرح البسيط من جيفنشي الى لبسته، الفستان الكلاسيك معمول من التول ومن غير تفاصيل كتير لعروسة رشيقة، قلنالك كمان إنه كان مصدر الالهام لفستان فرح الممثلة زوي كرافيتز؟

فيلم Love Actually 2003

كان فيلم للتاريخ، بسبب رومانسيته وفستان فرح كيرا نايتلي إلى مش ممكن يتنسى، الفستان كان رائع والبالطو بتاعه بنفس الجمال، متغطى بالريش وشفاف وموضته ما بتنتهيش، وإضافة قطعة الريش الصغيرة في الشعر كملت المظهر البسيط والأنثوي للبطلة.

إقرا أكتر: فساتين فرح من العصر الفيكتوري بأجواء Bridgerton !

فيلم Sex And The City 2008

منقدرش نعمل ليستة بأشهر فساتين الفرح فى السينما من غير ما نتكلم عن فستان فرح الشخصية الرئيسية فى المسلسل، كاري برادشو ، من تصميم فيفيان ويستوود، عبارة عن حلم حقيقي من القصة للسكيرت والتفاصيل الإضافية الجميلة في الهيدبيس، زعلنا إن الفرح مكملش (آسفين على حرق الأحداث) لكن اتبسطنا لما شفنا الفستان المميز ده، وهو معمول من الساتان ومن غير حمالات، وهيفضل دايما من أهم فساتين الفرح فى السينما.

فيلم Bride Wars 2009

من الأفلام القليلة إلى فرجتنا على اتنين من أجمل الأفراح وفساتين الفرح، قصته بتتكلم عن الصداقة وأهمية حجز مكان الفرح بدرى عشان متختارش نفس معاد فرح البرايدميد! لكن لازم نقول إن البنت المحظوظة فى الفيلم هى الممثلة كيت هدسون لأنها لبست فستان جميل ومميز من غير حمالات ومعمول من التول مع توب من الدانتيل وحزام من القطيفة، كان حلم حقيقى!

لما بنتفرج على فيلم رومانسى حلو، أو أي فيلم بيدور حوالين فرح، أكيد أول حاجة بنركز فيها ونقيمها هى فستان فرح بطلة الفيلم، لأن فساتين الفرح فى السينما بتكون بداية لتريند جديد فى الموضة بيفضل لسنين، وكمان بتبقى جزء من الثقافة الشعبية​​، وكل العرايس بترجع تختار منهم ليوم فرحها، عشان كده اخترنالك أجمل فساتين الفرح من أشهر الأفلام مش ممكن ننساها.

فيلم Funny Face 1957