آخر تريند لخاتم الجواز فى 2021

خدى فكرة قبل ما تشتري

Large

اختيار خاتم الجواز صعب، والأصعب إنه يكون مميز ويعبر عن شخصيتك، ومع إن تريندات الخواتم بتتغير كل شوية لكن كلها فى الآخر جميلة، التجديد فى الخواتم الكلاسيك الأساسية عادة بتكون فى قطع الألماس أو الألوان أو حلقة الخاتم نفسها. هنقولك على آخر تريند لخاتم الجواز فى 2021 عشان تاخدى عنها فكرة قبل ما تشترى:

تصميمات مميزة

اللمسات الشخصية والتصميمات المميزة أهم التريندات فى خاتم الجواز، لأنها أنيقة، وفى نفس الوقت بتعبر عن ستايلك، البسيها وافرضى شخصيتك فى مرحلة الشوبينج والتصميم.

التصميم الإميرالد 

الإميرالد تصميم كلاسيكي وشيك وموضته مبتخلصش، وفي سيزون 2021 شكلها متطور وأنيق وقصتها حادة أكتر، وهى مش بس بتطول صوابع الإيد، لكن جميلة كمان على شكل أي إيد.

إقرا أكتر: خدوا الإلهام من المشاهير .. أجمل خواتم خطوبة في العالم

الحجر الملون

 

الأحجار الزرقا تحديدا أكتر موضه مثيرة فى 2021، خصوصا إن قطع الالماس الكلاسيك موجود دايما، فممكن تجددى وتختارى لون جرىء زى الأخضر الغامق أو الأحمر الياقوتي أو الأزرق، وقطع الالماس النادرة دى هتخلى خاتم جوازك مميز ومفيش زيه.

مودرن

قطع الالماس الكلاسيك دلوقتى بقت بتتجدد عن طريق تصغيرها، وحلقة الخاتم كمان بقت عباره عن شريط أنيق وبسيط، وهى مثالية لاستخدامك اليومي، والتصغير بقي تريند منتشر فى كل حاجه تخص الجواز والخواتم مش استثناء.

حلقة الخاتم

بدل ما يكون كل الاهتمام باختيار حجر الالماس، هنركز أكتر على حلقة الخاتم، لأنها بتأثر على شكله وفي منها تريندات كتير مختلفة فى الأشكال والألوان، فكرى بره الصندوق، واختارى الى يناسب شخصيتك أكتر من الخواتم.

اختيار خاتم الجواز صعب، والأصعب إنه يكون مميز ويعبر عن شخصيتك، ومع إن تريندات الخواتم بتتغير كل شوية لكن كلها فى الآخر جميلة، التجديد فى الخواتم الكلاسيك الأساسية عادة بتكون فى قطع الألماس أو الألوان أو حلقة الخاتم نفسها. هنقولك على آخر تريند لخاتم الجواز فى 2021 عشان تاخدى عنها فكرة قبل ما تشترى:

تصميمات مميزة